کھیل و ثقافت

بیٹے کی پیدائش کے بعد ثانیہ مرزا نے دورباہ میدان میں آنے کی تیاری شروع کردی

 پاکستانی کرکٹ ٹیم کے سابق کپتان کی اہلیہ اور بھارتی ٹینس سٹار ثانیہ مرزا نے بیٹے کی پیدائش کے بعد ایک بار پھر میدان میں واپس آنے کی تیاری شروع کر دی ہے۔

تفصیلات کے مطابق 30 اکتوبر کو ماں بننے والی ثانیہ مرزا نے دو روز قبل اپنی 32ویں سالگرہ بیٹے اذہان ، شعیب ملک اور اہل خانہ کے ساتھ منائی تھی جس کے بعد انہوں نے اپنی فٹنس بحال کرنا شروع کر دی ہے اور اس حوالے سے جب انہوں نے جم سے اپنی تصویر شیئر کی تو دیکھنے والے خوشگوار حیرت میں مبتلا ہو گئے۔

انہوں نے اپنی تصویر سوشل میڈیا پر شیئر کرتے ہوئے لکھا کہ ” اس وقت ایسی خوشی محسوس ہورہی ہے جیسے کوئی بچہ ٹافی کی دکان میں داخل ہونے کے بعد کرتا ہے۔مجھے کبھی نہ کبھی جم کی شروعات کرنا تھی تو سوچا کیوں نہ اپنی سالگرہ کے فوری بعد ہی شروع کردوں۔“

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close