More share buttons
Share with your friends










Submit
کھیل و ثقافت

پی ایس ایل سے پاکستان کی ٹی ٹوئنٹی کرکٹ بہتر ہوئی ہے، نیا ٹیلنٹ سامنے آرہاہے، وقار یونس

Share on Pinterest
Share with your friends










Submit

اسلام آباد: پاکستان کرکٹ ٹیم کے سابق کپتان اور پاکستان سپر لیگ کی دفاعی چمپئن اسلام آباد یونائیٹڈ کے ڈائریکٹر وقاریونس نے کہا ہے کہ لیگ نے پاکستانی ٹی ٹوئنٹی کرکٹ کو بہتر کیا ہے اور مسلسل نیا ٹیلنٹ سامنے آرہا ہے۔ایک انٹرویومیں وقاریونس نے کہا کہ میرے خیال میں اگر آپ مختصر طرز کو دیکھیں تو محسوس ہوگا کہ اس میں اہم بہتری آئی ہے جس کی بنیادی وجہ پی ایس ایل ہے۔انہوں نے کہاکہ پی ایس ایل نے پاکستان کو نیا ٹیلنٹ دیا اور پاکستان کرکٹ بورڈ نے اس کو عروج پر پہنچایا۔انہوں نے کہا کہ پی ایس ایل کے ہرسیزن میں نیا ٹیلنٹ سامنے آیا اور اسلام آباد یونائیٹڈ سے بھی چند اچھے کھلاڑی ملے ہیں۔

قومی ٹیم کے سابق کپتان نے کہا کہ شاہین شاہ آفریدی سب سے بڑی مثال ہیں جو ایک اسٹار ہیں اور پی ایس ایل میں میچور ہوئے ہیں اور میں ان سے بہت متاثر ہوا ہوں۔وقاریونس نے کہا کہ پی ایس ایل سے کھلاڑیوں کی دریافت کے بعد ان کی تربیت کے لیے پی سی بی کی ذمہ داری بڑھ جاتی ہے اور لیگ سے انڈر 19 کھلاڑی ابھر کر آرہے ہیں۔پی ایس ایل سے ابھرنے والے نئے کھلاڑیوں پر بات کرتے ہوئے انہوں نے کہا کہ یہ نئے کھلاڑی پاکستان کا مستقبل ہے، فرنچائزوں نے انہیں موقع دیا اور فرنچائز جیتنا چاہتی ہیں تاہم وہ کھلاڑیوں کی تربیت بھی کرتی ہیں جس کے بعد پی سی بی باری آتی ہے۔

انہوں نے کہا کہ پاکستان کو فرسٹ کلاس کرکٹ پر مزید توجہ دینے کی ضرورت ہے تاہم پی ایس ایل کو کامیابی قرار دیتے ہوئے انہوں نے کہاکہ جو نظر آرہا ہے وہ اچھا ہے، اچھا محسوس ہورہا ہے اور نتیجہ بھی اچھا مل رہا ہے۔اسلام آباد یونائیٹڈ کے ڈائریکٹر نے کہا کہ ہماری زیادہ توجہ پی ایس ایل پر ہے اور ہمیں اسی طرح فرسٹ کلاس پر بھی توجہ دینی ہے، مجھے سننے کو مل رہا ہے کہ تبدیلیاں آرہی ہیں، اسپانسرز ریجن کے ساتھ مل رہے ہیں اس لیے ہوسکتا ہے اگلے چند برسوں میں ہمیں کچھ تبدیلیاں نظر آئیں اور ہم پی ایس ایل کی طرح ٹیسٹ کے لیے بھی کھلاڑی متعارف کروانا شروع کریں گے۔

ایک سوال پروقار یونس نے کہا کہ اس وقت یہ تین سرفہرست لیگز میں شامل ہے، آئی پی ایل پہلے نمبر پر ہے اس میں کوئی شک نہیں تاہم پی ایس ایل بڑی اور بہتر ہورہی ہے، ضرورت اس بات کی ہے کہ اس کو مکمل طور پر پاکستان میں کروا دیا جائے۔وقاریونس نے کہا کہ جب ایک مرتبہ مکمل طور پر پاکستان میں ہوئی تو یہ سب سے بڑی لیگ بن جائے گی، اس مرتبہ پاکستان میں 8 میچ ہوں گے، اگلے سال ہوسکتا ہے آدھے میچز پاکستان میں ہوں۔انہوں نے کہا کہ چیزیں آگے بڑھ رہی ہیں اور اگلے تین برسوں میں پاکستان میں مکمل لیگ ہوگی۔

Share on Pinterest
Share with your friends










Submit
ٹیگز
مزید دیکھیں

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے