بابراعظم کی قیادت میں جنوبی افریقہ کیخلاف ٹیسٹ اسکواڈ کا اعلان
جنوبی افریقہ کیخلاف ٹیسٹ سیریز کیلئے 20 رکنی قومی اسکواڈ کا اعلان
بابراعظم کی قیادت میں منتخب کردہ کھلاڑیوں میں محمد رضوان (وکٹ کیپر) ، عابد علی ، عمران بٹ ، اظہر علی ، فواد عالم ، سرفراز احمد ، فہیم اشرف ، یاسر شاہ ، شاہین آفریدی ، عبداللہ شفیق ، آغا سلمان ، سعود شکیل ، کامران غلام ، محمد نواز ، نعمان علی ، ساجد ، خان ، حسن علی ، حارث رؤف اور تابش خان شامل ہیں جبکہ نیوزی لینڈ کیخلاف خراب کارکردگی پرشان مسعود‘ محمد عباس‘ ظفر گوہر‘ حارث سہیل کو ڈراپ کر دیا گیا ہے۔
کراچی کے نیشنل سٹیڈیم میں پریس کانفرنس سے خطاب کرتے ہوئے چیف سلیکٹر محمد وسیم نے ہوم سرزمین پر جنوبی افریقہ کے خلاف آئندہ دو میچوں کی ٹیسٹ سیریز کے لئے پاکستانی اسکواڈ کا اعلان کیا۔
Nine uncapped players in 20-member side for South Africa Tests
More: https://t.co/PowM8m3t69 #PAKvSA #HarHaalMainCricket pic.twitter.com/wSMwH9xFA6
— PCB Media (@TheRealPCBMedia) January 15, 2021
چیف سلیکٹر نے کہا کہ ہم جو بھی سلیکشن کریں گے تو کوشش کریں گے کھلاڑی کو معلوم ہو کہ اس کا ٹیم میں کیا کردار ہے اور ہماری موجودہ ٹیم میں کس طرح کی بیٹنگ درکار ہے۔
ایک سال سے زیادہ عرصے تک زخمی ہونے کے باعث قومی ٹیم سے باہر ہونے والے پیسر حسن علی اور لیفٹ آرم سپنر نعمان علی کو ڈومیسٹک سرکٹ میں مسلسل پرفارمنس کو دیکھتے ہوئے ٹیسٹ سکواڈ میں شامل کیا گیا ہے۔ آؤٹ آف فارم اوپنر شان مسعود ، مڈل آرڈر بیٹسمین حارث سہیل اور فاسٹ بائولر محمد عباس کو ٹیم سے باہر کردیا گیا ہے۔
جنوبی افریقی ٹیم 16 جنوری کو کراچی پہنچے گی اور پہلا ٹیسٹ 26 سے 30 جنوری تک کراچی کے نیشنل سٹیڈیم میں کھیلا جائے گا، دونوں ٹیموں کے مابین دوسرا ٹیسٹ راولپنڈی میں 4 سے8 فروری تک ہوگا۔
