More share buttons
Share with your friends










Submit
کھیل و ثقافت

بھارت کو تیسرے ٹیسٹ میں شکست

Share on Pinterest
Share with your friends










Submit

کیپ ٹاؤن: بھارت کا جنوبی افریقہ میں سیریز جیتنے کا خواب چکنا چور

جنوبی افریقہ نے بھارت کو تیسرے ٹیسٹ میچ میں 7 وکٹوں سے شکست دے کر سیریز 1-2 سے اپنے نام کر لی۔

آخری ٹیسٹ میچ میں بھارت نے ٹاس جیت کر پہلے بیٹنگ کا فیصلہ کیا۔

ویرات کوہلی نے 79 رنز کی شاندار اننگز کھیلی لیکن ایک مرتبہ پھر ان کا 71ویں انٹرنیشنل سنچری بنانے کا خواب پورا نہ ہو سکا جبکہ چتیشور پجارا نے 43رنز بنائے۔

بھارت کی ٹیم 223 رنز بنا کر پویلین لوٹ گئی، جنوبی افریقہ کی جانب سے کگیسو ربادا نے 4 اور مارکو جینسن نے تین وکٹیں حاصل کیں۔

جنوبی افریقہ کے بلے باز جسپریت بمراہ کی عمدہ باؤلنگ کے سبب خاطر خواہ کارکردگی دکھانے میں ناکام رہے۔

پیٹرسن 72 رنز کے ساتھ سب سے کامیاب بلے باز رہے جبکہ ٹیمبا باووما نے 28 اور کیشپ مہاراج نے 25رنز کی اننگز کھیلی۔

جنوبی افریقہ کی پوری ٹیم پہلی اننگز میں 210 رنز بنا کر آؤٹ ہو گئی اور بھارت نے پہلی اننگز میں 13 رنز کی برتری حاصل کی، بمراہ نے پانچ وکٹیں لیں ۔

بھارتی ٹیم دوسری اننگز میں 198 رنز پر ڈھیر ہو گئی اور جنوبی افریقہ کو میچ میں فتح کے لیے 212 رنز کا ہدف دیا۔

ہدف کے تعاقب میں کپتان ڈین ایلگر اور کیگن پیٹرسن کی جوڑی بھارتی باؤلرز کے خلاف ڈٹ گئی۔

دونوں نے ٹیم کی سنچری مکمل کرانے کے ساتھ ساتھ 78 رنز کی ساجھے داری بھی قائم کی،پیٹرسن نے عمدہ بیٹنگ کا سلسلہ جاری رکھا

دوسری اننگز میں بھی نصف سنچری اسکور کی اور 82 رنز کی اننگز تراشنے کے بعد شردل ٹھاکر کی گیند پر وکٹیں محفوظ نہ رکھ سکے۔

اس کے بعد ڈوسن اور ٹیمبا باووما نے ذمے دارانہ بیٹنگ کرتے ہوئے مزید کوئی وکٹ نہ گرنے دی اور جنوبی افریقہ نے 3 وکٹوں کے نقصان پر ہدف حاصل کر لیا، ڈوسن نے 41 اور باووما نے 32رنز بنائے۔

پیٹرسن کو عمدہ بیٹنگ پر میچ کے ساتھ ساتھ سیریز کا بھی بہترین کھلاڑی قرار دیا گیا۔

اس میچ میں فتح کے ساتھ ہی جنوبی افریقہ نے سیریز بھی 1-2 سے اپنے نام کر لی اور بھارت کا جنوبی افریقی سرزمین پر سیریز جیتنے کا خواب چکنا چور ہو گیا۔

 

 

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close