کھیل و ثقافت

اینڈی فلاور آئی پی ایل کے لیے پی ایس ایل چھوڑ کر بھارت چلے گئے

ملتان سلطانز کے ہیڈ کوچ اینڈی فلاور آئی پی ایل کی بولی میں شرکت کے لیے بھارت روانہ ہو گئے

کرک انفو کی رپورٹ کے مطابق اینڈی فلاور آئی پی ایل کی بولی میں شرکت کے لیے بھارت روانہ ہو گئے ہیں جہاں وہ آئی پی ایل کی نئی ٹیم لکھنو سپر جائنٹس کی ٹیم کے ہیڈ کوچ کی حیثیت سے شریک ہوں گے۔

رپورٹ کے مطابق آئی پی ایل آکشن میں شرکت کے بعد اینڈی فلاور 13 فروری کو دوبارہ پاکستان پہنچیں گے اور کووڈ پروٹوکول کے تحت قرنطینہ مکمل کرنے کے بعد اپنی ٹیم کو جوائن کریں گے۔

ملتان سلطانز کی ٹیم 10 روز تک بغیر کوچ کے ٹورنامنٹ میں شریک ہو گی اور ملتان کے میڈیا ڈپارٹمنٹ کا اس حوالے سے کہنا ہے کہ اس دوران اینڈی فلاور ٹیم کو ورچوئل طریقے سے دستیاب ہوں گے اور ان کی غیر موجودگی میں ڈپٹی ہیڈ کوچ مشتاق احمد کھلاڑیوں کو ٹریننگ کرائیں گے۔

ملتان سلطانز کی ٹیم 5 اور 10 فروری کو پشاور زلمی کے مدمقابل ہو گی جبکہ 11 فروری کو ملتان کا مقابلہ لاہور قلندرز سے ہو گا اور اینڈی فلاور اپنی ٹیم کو کراچی کنگز کے خلاف 16 فروری کے میچ سے قبل جوائن کریں گے۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close