More share buttons
Share with your friends










Submit
Uncategorized

جامعہ کراچی نے امتحانات کی تاریخوں کااعلان کردیا

Share on Pinterest
Share with your friends










Submit

وائس چانسلرجامعہ کراچی پروفیسر ڈاکٹر خالد محمود عراقی کی زیرصدارت روسائے کلیہ جات کا اجلاس وائس
چانسلر سیکریٹریٹ میں منعقد ہواجس میں کوروناوائرس کی وجہ سے درپیش صورتحال کے تناظر میں 2020 ئکے پہلے سیمسٹر کے امور زیر بحث آئے۔روسائے کلیہ جات نے اجلاس میں اپنے کلیہ جات کی بورڈ آف فیکلٹی اجلاسوں کے فیصلوں اور زیر بحث امور کے متعلق شرکا کو آگا ہ کیا،ان بورڈز میں اکیڈمک کونسل میں شامل تمام اساتذہ نمائندگان بشمول لیکچرار،اسسٹنٹ پروفیسر،ایسوسی ایٹ پروفیسر،پروفیسر شامل تھے۔ان سفارشات پر مذکورہ فیصلے کئے گئے:جامعہ ہر فیکلٹی سے3 سے5 اساتذہ کی بطور ماسٹر ٹرینر نشاندہی کرے گی جن کی ذمے اپنی فیکلٹی کے دیگر اساتذہ کی ٹریننگ ہوگا۔

رئیس کلیہ اپنی فیکلٹی سے ماسٹر ٹرینر نامزد کرینگے اور ان کی جانب سے دیگر اساتذہ کو فراہم کردہ تربیت کی بھی نگرانی کرینگے۔روسائے کلیہ جات کے دفاتر اساتذہ کی معاونت کا مرکز ہونگے جبکہ رئیس کلیہ تعلیم پروفیسر ڈاکٹر ناصر سلمان اساتذہ کو آن لائن کلاسز کے دوران سرقہ نویسی اور کاپی رائٹ کے مسائل پر رہنما ئی فراہم کرینگے۔

تمام آن لائن کلاسز اور اسائنمنٹ کے جمع کرانے کا عمل منظور شدہ کورس آوٹ لائن کے مطابق15 جولائی 2020تک جاری رہے گاجبکہ لیب اورپریکٹیکل سیشن کی جگہ بھی آن لائن کلاس کا انعقاد کیا جاسکے گا۔

اساتذہ اپنے گھر سے آن لائن کلاسز کا انعقاد کرسکیں گے اور کسی پریشانی کی صورت میں وہ اپنے دفاتر،کلاس رومز یا رئیس کلیہ کے میٹنگ رومز کا استعمال کرسکیں گے۔ہر شعبہ15جولائی تک ایک شعبہ جاتی طلبہ جانچ کمیٹی قائم کرے گا۔

متعلقہ اداروں سے اجازت کے بعد،ان تمام طالب علموں جو آن لائن کلاسز لینے سے قاصر رہے کے لئے16 جولائی تا 13 اگست کلاسز کا انعقاد کیا جائے گا۔اس موقع پر کلاسز،لیب اور بقیہ لیکچرز کو بھی 40 منٹ پر مشتمل اسمارٹ کلاس کی صورت میں منعقد کردیا جائے گا۔تمام طلبہ کی آن لائن اسسمنٹ (جانچ)اور امتحانات کا عمل17 سے21 اگست تک مکمل کر لیا جائے گا۔سیمسٹر امتحانات 22 اگست تا12ستمبر ہونگے۔دوسرے سیمسٹر2020کا تدریسی عمل15 ستمبر سے 13دسمبر تک جاری رہے گا۔سیمسٹر امتحانات14 دسمبر تا 31دسمبر2020ہونگے۔

ایوننگ پروگرام کی کلاسز،لیبز اور اسسمنٹ مذکورہ شیڈول کے مطابق ہوگی:آن لائن تدریس 15 جولائی تک،بقیہ نصاب کی کلاسز اور لیبز16 جولائی تا10 ستمبر،آن لائن اسسمنٹ (جانچ) اور امتحانات کو حتمی شکل دینا 11 تا13 ستمبر،پہلے سیمسٹر امتحانات14 تا30 ستمبر،دوسرے سیمسٹر کا تدریسی عمل یکم اکتوبر تا31 دسمبر 2020 ء دوسرے سیمسٹر کے امتحانات یکم جنوری تا20 جنوری 2021 ء منعقد ہوں گے۔مذکورہ بالاتمام سفارشات کو اکیڈمک کونسل کے اجلاس میں منظوری کے لئے پیش کیا جائے گا۔واضح رہے کہ تمام سفارشات کو اکیڈمک کونسل میں منظوری کے لئے پیش کیا جائے گااورحتمی منظوری کے بعد ہی ان سفارشات پر عملدرآمد کو یقینی بنایا جائے گا۔

Share on Pinterest
Share with your friends










Submit

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close