صفحہ اول Featured یمن جنگ کو نہ روکا گیا تو کئی اور علاقے اس کی زد میں آ جائیں گے، اقوام متحدہ

یمن جنگ کو نہ روکا گیا تو کئی اور علاقے اس کی زد میں آ جائیں گے، اقوام متحدہ

53 second read
0
0
Share on Pinterest
Share with your friends










Submit

نیویارک: اقوام متحدہ نے تنبیہ کی ہے کہ یمن میں جنگ بندی کے لیے حکومتی فورسز اور حوثی ہنگامی بنیادوں پر اقدامات کریں۔ بین الاقوامی خبر رساں ادارے کے مطابق اقوام متحدہ کے خصوصی مندوب مارٹن گرفتھس نے سویڈن میں جاری امن مذاکرات کے ابتدائیہ میں فریقین کو جنگ بندی کے لیے ہنگامی بنیادوں پر اقدامات کرنے پر زور دیا ہے۔ اقوام متحدہ کے وفد نے وارننگ دی ہے کہ یمن کا مستقبل فورسز اور حوثیوں کے ہاتھوں میں ہے، اگر مکمل تباہی سے بچنا ہے تو فریقین کو اب 3 سال سے جاری خانہ جنگی کو ختم کرنا ہوگا۔

اقوام متحدہ کے وفد کا مزید کہنا تھا کہ فریقین آگ سے کھیل رہے ہیں، جس کے نتائج نہایت ہولناک ہیں اور اس کے اثرات پورے خطے میں مرتب ہورہے ہیں۔ اس آگ کو روکنا ہو گا ورنہ کئی اور علاقے اس کی زد میں آ جائیں گے۔ سویڈن میں اقوام متحدہ کے زیر انتظام یمن امن مذاکرات جاری ہے، یہ دوسرا موقع ہے جب حکومتی حکام اور حوثی باغی ایک پلیٹ فارم پر جنگ بندی کے لیے مذاکرات کی میز پر بیٹھے ہیں اور قیدیوں کے تبادلے پر اتفاق رائے کر لیا گیا ہے۔ واضح رہے کہ تین سال سے جاری خانہ جنگی کے نتیجے میں 56 ہزار سے زائد افراد ہلاک ہوگئے ہیں اور 2 کروڑ سے زائد افراد متاثر ہوئے ہیں۔ خانہ جنگی کے باعث لاکھوں بچے خوراک کی کمی کی وجہ سے ہلاک ہوئے۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

کفایت شعاری نظرانداز؛ وزراء کی رہائشگاہوں کی تزئین وآرائش کیلیے کروڑوں کا مطالبہ

اسلام آباد: تحریک انصاف حکومت کی جانب سے ایک جانب کفایت شعاری کے دعوے کئے جارہے ہیں تو دوس…