امریکی صدر جوبائیڈن کی روسی صدر سے ملاقات متوقع

امریکی صدر جوبائیڈن کی روسی صدر سے ملاقات متوقع ہے۔

تفصیلات کے مطابق صدر جوبائیڈن کا عہدہ سنبھالنے کے بعد دونوں لیڈرز کی یہ ملاقات عالمی توجہ کا مرکز بنی ہوئی ہے۔

آج جنیوا میں ہونے والی ملاقات میں دونوں لیڈر کی روسی مداخلت، سائبر سیکیورٹی ، افغانستان سے انخلا سمیت کئی مسائل پر بات چیت کا امکان ہے۔

ذرائع کے مطابق روس کے صدر پیوٹن نے امریکی الیکشن میں مداخلت کے الزامات مسترد کرتے ہوئے امریکا سے ثبوت پیش کرنے اور سائبر معاملات پر معاہدے کی پیش کش کر رکھی ہے۔