More share buttons
Share with your friends










Submit
دنیا

شوہر کی غیر موجودگی کا فائدہ اٹھاتے ہوئے سسر نے جنسی زیادتی کا نشانہ بنایا

Share on Pinterest
Share with your friends










Submit

بھارت میں 21 سالہ دلہن نے اپنے سسر پر جنسی زیادتی کا سنگین الزام عائد کر دیا

خاتون نے الزام عائدکیا کہ میرے سسر نے خاندان کی دیگر خواتین کو بھی جنسی زیادتی کا نشانہ بنایاہے

بھارتی ریارست مادھیا پردیش کے شہر گونا میں پولیس نے ایک مقدمہ درج کیاہے جس میں بہو نے شوہر کی غیر موجودگی میں اپنے سسر پر مبینہ جنسی زیادتی کا سنگین الزام عائد کیا ہے ۔

تفصیلات کے مطابق جمعرات کے روز ایک 21 سالہ نوجوان لڑکی میانا پولیس سٹیشن سے آئی اور اہلکاروں کے سامنے دعویٰ کیا کہ جس وقت میرا شوہر سکول گیا ہواتھا تو سسر نے اس کی غیر موجودگی کا فائدہ اٹھاتے ہوئے مجھے جنسی زیادتی کا نشانہ بنایا اور اب جان سے مارنے کی دھمکیاں دے رہاہے ۔21 سالہ لڑکی کا تعلق راجستھان سے ہے اور اس کی شادی 22 سالہ نوجوان سے ہوئی ہے ، لڑکا 12ویں جماعت کا طالبعلم ہے ،نوجوان لڑکا ہی اپنی بیوی کو پولیس کے پاس شکایت درج کروانے کیلئے لایا۔

پولیس کا کہناتھا کہ لڑکی کا شوہر 12 جماعت کا طالبعلم ہے اور اسے روزانہ گاﺅں سے گونا شہر میں واقع سکول جانا ہوتاہے ، خاتون نے الزام عائد کیا کہ جب میرا شوہر سکو ل گیا ہوا تھا تو پیچھے سے موقعے کا فائدہ اٹھاتے ہوئے میرے سسر نے جنسی زیادتی کا نشانہ بنایا اور اب وہ مجھے قتل کی دھمکیاں دے رہاہے ،خاتون نے سسر پر یہ بھی الزام عائد کیا کہ ا ن کے پاس بھاری مقدار میں غیر قانونی اسلحہ بھی ہے ، جسے وہ اکثر اہل خانہ کے لوگوں کو دھمکانے کیلئے نکال لاتا ہے ۔

خاتون نے الزام عائدکیا کہ میرے سسر نے خاندان کی دیگر خواتین کو بھی جنسی زیادتی کا نشانہ بنایاہے اور انہیں بھی خاموشی رہنے کی دھمکیاں دی ہیں ۔ خاتون کے سسر نے بیان دیتے ہوئے کہا کہ ان کی بہو یہ سب بہانے خاندانی جائیداد کے تنازعے کے باعث کر رہی ہے اور اسے بدنام کرنے کی کوشش کی جارہی ہے ۔

پولیس نے ابتدائی تحقیقات کے بعد مقدمہ درج کر لیاہے لیکن کسی کو گرفتار نہیں کیا ، پولیس کا کہناتھا کہ ہم الزامات کی چھان بین کر رہے ہیں اور کسی نتیجے پر پہنچنے کے بعد گرفتاری عمل میں لائیں گے ۔شکایت کنندہ کے والد راجستھان میں سیاسی جماعت سے منسلک ہیں ، لڑکی کے شوہر کا کہناتھا کہ اس کے باپ کے پاس متعدد بندوقیں ہیں ، وہ دھمکیاں دے رہے ہیں کہ اپنی بیوی کا ساتھ چھوڑ دو ور نہ قتل کر دوں گا ۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close