![آئی ایم ایف کی جانب سے پاکستان کےلیے جلد اگلی قسط کی منظوری متوقع](https://www.pakistanviews.org/wp-content/uploads/2023/12/406.png)
عالمی مالیاتی فنڈ (آئی ایم ایف ) کا ایگزیکٹو بورڈ 11 جنوری کو پاکستان کیلئے قرض کی منظوری دے گا، منظوری کے بعد پاکستان کو 70 کروڑ ڈالر کی قسط ملے گی۔
پاکستان میں نمائندہ آئی ایم ایف ایستر پریز روئز نے سماء کو بتایا ہے کہ 11 جنوری کو آئی ایم ایف کے ایگزیکٹو بورڈ اجلاس میں اسٹینڈ بائی ارینجمنٹ پروگرام کے تحت پہلے اقتصادی جائزہ پر غور کیا جائے گا۔ آئی ایم ایف ایگزیکٹو بورڈ کی جانب سے 70 کروڑ ڈالر کی اگلی قسط کی منظوری متوقع ہے۔
یاد رہے کہ پاکستان اور آئی ایم ایف کے درمیان 3 ارب ڈالر کے معاہدے پر جولائی میں دستخط کیے گئے تھے۔ پاکستان کو ایک ارب 20 کروڑ ڈالر پہلے ہی مل چکے ہیں۔ مزید 70کروڑ ڈالر ملنے سے جاری کردہ رقم 1.9 ارب ڈالر ہو جائے گی، بقیہ تیسری قسط آنے والی حکومت کی دی جائے گی۔ 1.1ارب ڈالرکی آخری قسط کیلئے دوسرےاقتصادی جائزہ مذاکرات فروری 2024 میں متوقع ہے۔