عائزہ خان اور اصلاحان خاتون ماریہ بی کیلئے ماڈلنگ کریں گی
ارطغرل غازی میں اصلاحان خاتون کا کردار نبھانے والی اداکارہ گلثوم علی الہان نے پاکستانی مداحوں کو جلد خوشخبری سنانے کا اعلان کیا تھا۔
اصلاحان خاتون نے 29 اور 30 جنوری کی درمیانی شب انسٹاگرام اسٹوری پر شیئر کی گئی مختصر ویڈیو میں ترکی و پاکستان کے مداحوں کو سلام کرتے ہوئے کہا تھا کہ ان کے پاس دونوں ممالک کے مداحوں کو سنانے کے لیے بہت ہی اچھی خبر ہے۔
View this post on Instagram
دوسری جانب پاکستان کی نامور اداکارہ عائزہ خان نے بھی انسٹاگرام اسٹوری میں ایک ویڈیو شیئر کی تھی جس میں انہوں نے ترکی اور پاکستان کے جھنڈوں کے رنگ کا فیس ماسک پہنا ہوا تھا۔
انہوں نے اسٹوری شیئر کرتے ہوئے ‘پاکستان اور ترکی’ کا کیپشن استعمال کیا تھا۔
جس کے بعد ان کے مداحوں کی جانب سے قیاس آرائیاں کی جارہی تھیں کہ عائزہ خان شاید کسی ترک پروجیکٹ کا حصہ بننے جارہی ہیں۔
View this post on Instagram
اور اب یہ بات سامنے آئی ہے کہ ارطغرل غازی میں اصلاحان خاتون کا کردار ادا کرنے والی گلثوم علی الہان اور عائزہ خان، پاکستانی ڈیزائنر ماریہ بی کے ملبوسات کی ماڈلنگ کریں گی۔
ڈیزائنر ماریہ بی کی جانب سے انسٹاگرام پر مختلف ویڈیوز شیئر کی گئیں جس میں انہوں نے بتایا کہ ترک اور پاکستانی اداکارائیں ان کے لان کلیکشن کی ماڈلنگ کریں گی۔
