کراچی اور حیدرآباد میں بلدیاتی انتخابات 15 جنوری کو ہوں گے : الیکشن کمیشن

اسلام آباد : الیکشن کمیشن آف پاکستان نے کراچی اور حیدرآباد میں بلدیاتی انتخابات 15 جنوری کو کرانے کا فیصلہ کرلیا۔

الیکشن کمیشن نے کراچی بلدیاتی انتخابات کیس کا فیصلہ 15 نومبر کو محفوظ کیا گیا فیصلہ سنا دیا، جس میں سندھ حکومت کی 90 روز کے لیئے انتخابات ملتوی کرنے کی درخواست مسترد کردی گئی ہے۔

فیصلے کے مطابق الیکشن کمیشن نے سندھ حکومت، وفاقی وزارت داخلہ کی درخواستوں کا جائزہ لیا۔ تمام سیاسی جماعتوں کو بھی اس دوران سنا گیا۔ کراچی اور حیدرآباد میں بلدیاتی انتخابات 15 جنوری کو ہوں گے۔