پنجاب اسمبلی میں مسلم لیگ ن اور آزاد امیدواروں کے درمیان کڑا مقابلہ جاری ہے،جہاں ن لیگ اور آزاد امیدوار 51 ،51 سیٹوں کے ساتھ موجود ہیں۔
الیکشن کمشین کی جانب سے جاری کردہ اعداد وشمار کےمطابق پنجاب اسمبلی میں 51 آزاد امیدواروں نےکامیابی سمیٹی، جہاں ق لیگ صرف 2 نشستوں پر ہی کامیاب ہوسکی۔
دوسری جانب غیرسرکاری نتائج کےمطابق پنجاب اسمبلی کے 181 حلقوں میں پاکستان مسلم لیگ ن 89 سیٹوں کے ساتھ سرفہرست ہے،آزاد امیدواروں نے 68 نشستوں میں کامیابی حاصل کی،پی پی پی کے حصے میں صرف 5 نشستیں آئیں،21 حلقوں میں دیگر امیدوار کامیاب ہوئے ہیں۔
غیرسرکاری اورغیرحتمی نتائج کےمطابق صدر ن لیگ شہبازشریف نے پی پی ایک سو اٹھاون سے اپنی نشست جیت لی ہے۔پی پی ایک سو انسٹھ سے مریم نواز بھی جیت گئیں۔
پی پی ایک سو سولہ پر ن لیگ کو اپ سیٹ شکست کا سامنا ہے،رانا ثنااللہ کے داماد احمد شہریار ہار گئے۔آزاد امیدوار محمد اسماعیل نے ستائیس ہزار باون ووٹ لےکر فتح سمیٹی۔
