شہزادی صوفیہ نے کورونا وائرس کے خلاف اسٹاک ہوم ہسپتال میں نرس کے طور پر کام شروع کردیا
سویڈن کی شہزادی 35 سالہ صوفیہ نے کورونا وائرس کے مریضوں کے لیے ہسپتال میں ملازمت اختیار کرلی۔
شہزادی 3 روز کی میڈیکل ٹرینگ کے بعد طبی عملے میں شامل ہوئیں تاکہ کرونا وائرس کے خلاف اپنی خدمات پیش کرسکیں۔
سویڈین شاہی گھرانے سے جاری ایک پیغام میں بتایا گیا کہ یہ ایک ایسا وقت ہے جہاں ہم سب کو مل کر کام کرنا ہوگا تاکہ ڈاکٹرز اور دیگر طبی عملے کے اوپر سے کام کا بوجھ کچھ کم ہوسکے۔
Princess Sofia of Sweden Scrubs in at Hospital to Clean and Cook During Coronavirus Outbreak https://t.co/s5UZwp4kCX
— People (@people) April 16, 2020
رپورٹ کے مطابق صوفیہ براہ راست کورونا کے مریضوں کے ساتھ کام نہیں کریں گی بلکہ وہ اس دوران ڈاکٹرز اور نرسز کو دیگر کاموں میں مدد فراہم کریں گی۔
شہزادی اور ان کے ساتھ ٹریننگ لینے والے تمام افراد اس دوران صرف اور صرف ڈاکٹرز اور طبی عملے کی مدد کے لیے ہسپتال میں موجود رہیں گے، انہیں مریضوں کے قریب جانے کی اجازت نہیں۔
سویڈن میں اب تک 13 ہزار سے زائد افراد میں کورونا وائرس کی تشخیص ہوچکی ہے جبکہ 1500 سے زائد افراد اس وائرس سے اپنی جان بھی گنوا چکے ہیں۔
