طلبا کی پریشانی اختتام ، امتحانات کی تیاری آسان ہوگئی
پشاور: محکمہ تعلیم خیبر پختونخوا نے طلبا کو امتحانات کی تیاری کروانے کیلئے ایپ تیار کرلی،’’ن‘‘ نامی کمپنی محدودکورس کی تیاری کروائےگی۔
تفصیلات کے مطابق وزیرتعلیم خیبر پختونخوا شہرام خان تراکئی نے پریس کانفرنس کرتے ہوئے کہا محکمہ تعلیم خیبر پختونخوا نےامتحانات کی تیاری کروانے کیلئے ایپ تیارکرلی ، بچوں کےآسانی کےلئے ’’ن‘‘ نامی کمپنی محدودکورس کی تیاری کروائےگی۔
1/3- An MOU has been signed between @NoonPakistan, an educational service, and KPESED today. Now live, and free Lectures are available for 9,10,11,12 classes on the NOON app.Considering the school closure due to Covid, this initiative aims at helping students to prepare for exams pic.twitter.com/vU6qTPpY6a
— Shahram Khan Tarakai (@ShahramKTarakai) June 2, 2021
شہرام تراکئی کا کہنا تھا کہ آن لائن کورس ریکارڈبھی ایپ پرموجودہوگا، طلبا 3 بجے سے رات 10 بجے تک ایپ سے فری آن لائن کلاسز لے سکتے ہیں۔
وزیرتعلیم خیبر پختونخوا نے مزید کہا دسویں اور بارویں کے امتحانات لینے کی کوشش کر رہے ہیں تاہم جہاں کورونا کی شرح 5 فیصد سے کم ہے ان اضلاع میں اسکولز کھول دیئے گئے ہیں۔
یاد رہے چند روز قبل ہی خیبرپختونخوا حکومت نے مزید 5اضلاع میں اسکول کھولنے کا اعلامیہ جاری کیا تھا ، بنوں، چارسدہ، ہری پور، نوشہرہ او رصوابی میں31 مئی سے اسکول کھولنے کا فیصلہ کیا گیا۔
اعلامیے میں کہا تھا کہ پانچوں اضلاع میں سرکاری وپرائیوٹ اسکولز،مدارس ، ماڈل اسکولز،اکیڈمی اورٹیوشن سینٹرکھولنےکی اجازت ہوگی جبکہ تعلیمی اداروں کو سختی سےکوروناایس اوپیزپرعملدرآمد کرنے کی ہدایت کی گئی ہے۔
