تحریک عدم اعتماد میں کسی قسم کی رکاوٹ نہیں بنوں گا

اسلام آباد :  یکم یا دو اپریل کو تحریک عدم اعتماد پر ووٹنگ ہوجائے گی۔

اسپیکر قومی اسمبلی اسد قیصر نے کہا کہ تحریک عدم اعتماد پر قومی اسمبلی کا اجلاس آئین اور قواعد و ضوابط کے مطابق چلائیں گے۔

انہوں نے کہا کہ تحریک عدم اعتماد ایوان میں پیش کے ہونے سات دن کے اندر ووٹنگ کرانا آئینی تقاضا ہے۔ تحریک عدم اعتماد میں کسی قسم کی رکاوٹ نہیں بنوں گا۔

ان کا کہنا تھا کہ یکم یا دو اپریل کو تحریک عدم اعتماد پر ووٹنگ ہوجائے گی۔ آئین کی خلاف ورزی کرنے کا اپوزیشن کا الزام بے بنیاد ہے۔