الیکشن کمیشن نے انتخابات ملتوی کرکے آئین شکنی کی ہے

 اسلام آباد: ہم نے اپنی 2 صوبائی اسمبلیوں کو اس امید پر تحلیل کیا کہ انتخابات 90 روز میں ہوں گے۔

تحریک انصاف کے چیئرمین عمران خان کا کہنا ہے کہ الیکشن کمیشن نے انتخابات ملتوی کرکے آئین شکنی کی ہے۔

سماجی رابطے کی ویب سائٹ ٹوئٹر پر اپنے بیان میں چیئرمین پی ٹی آئی عمران خان نے کہا کہ ہم نے اپنی 2 صوبائی اسمبلیوں کو اس امید پر تحلیل کیا کہ انتخابات 90 روز میں ہوں گے۔

عمران خان کا کہنا تھا کہ ہم نے یہ قدم اس لیے نہیں اٹھایا تھا کہ فاشسٹوں کا گروہ آئین و قانون سے کھلواڑ کرے۔

By postponing Punjab elections till Oct ECP has violated the Constitution. Today everyone must stand behind the legal community – the judiciary & lawyers – with expectation that they will protect Constitution. For if this is accepted today then it is the end of Rule of Law in Pak

— Imran Khan (@ImranKhanPTI) March 22, 2023

انہوں نے کہا کہ خاموش رہنا پاکستان میں آئین و قانون کی بالادستی ختم کرنا ہے۔

پی ٹی آئی چیئرمین نے مزید کہا کہ اب پاکستانیوں کوعدلیہ اور وکلاء برادری کے ساتھ کھڑے ہونا ہوگا۔

واضح رہے کہ الیکشن کمیشن نے پنجاب اسمبلی کے 30 اپریل کو ہونے والے انتخابات ملتوی کردیے۔