اب سی ویو کی صفائی ہوگئی ہے : شنیرا اکرم
وسیم اکرم کی اہلیہ شنیرا اکرم نے مختلف ٹوئٹس میں لکھا تھا کہ ہمارا شہر روزانہ ہمیں بتارہا ہے کہ وہ تکلیف میں ہے۔
وسیم اکرم اور ان کی اہلیہ شنیرا اکرم نے کراچی کے ساحل سمندر پر گندگی اور کچرے کے ڈھیر پر برہمی کے اظہار کے بعد اب سی ویو کی صفائی ہوگئی ہے۔
5 اکتوبر کی صبح کو شنیرا اکرم نے سماجی رابطے کی ویب سائٹ ٹوئٹر پر اپنی ایک تصویر شیئر کی تھی جس میں وہ سی ویو پر موجود تھیں اور ارد گرد کچرے کے ڈھیر تھے۔
انہوں نے لکھا تھا کہ ہم مدد کے لیے چیخ رہے ہیں لیکن کوئی ہماری آواز نہیں سن سکتا۔
شنیرا اکرم نے مختلف ٹوئٹس میں لکھا تھا کہ ہمارا شہر روزانہ ہمیں بتارہا ہے کہ وہ تکلیف میں ہے۔
شنیرا اکرم نے لکھا تھا کہ اس سب کو رکنا چاہیے، اس نے ہمارے شہر، ہمارے لوگ اور ثقافت کو شرمندہ کیا، یہ ہم نہیں ہیں۔
ایک اور ٹوئٹ میں شنیرا اکرم نے لکھا تھا کہ یہ گندگی صرف ساحل پر نہیں ہے، یہاں ہر جگہ کچرا موجود ہے۔
شنیرا اکرم نے لکھا تھا کہ یہ کچرا گلی، کوچوں، ہماری دکانوں کے باہر، دفاتر کے سامنے، اسکولز کے پاس، خالی زمین پر، ہمارے گھروں کے باہر، ہمارے واحد ساحل پر ہے اور ہمارے سمندر میں ہے، ہم اس میں تیر رہے ہیں۔
وسیم اکرم نے بھی ٹوئٹر پر ایک ویڈیو جاری کی تھی اور سی ویو پر موجود کچرے کے ڈھیر پر برہمی کا اظہار کیا۔
Our city is in pain and it’s telling us every day. We are crying out for help but no body can hear us. This has got to stop! This has bought shame on our city, our people and on our culture. This is not who we are 🇵🇰 pic.twitter.com/aM0gAXL7dU
— Shaniera Akram (@iamShaniera) October 5, 2020
وسیم اکرم نے اپنی ویڈیو میں کہا کہ میں نے سوچا تھا کہ ہفتے کا پہلا دن ہے ساحل سمندر جا کر مزہ آئے گا لیکن میں نے اپنی بیوی کو سی ویو پر لا کر بہت بڑی غلطی کردی۔
ویڈیو میں سمندر پر موجود کچرا دکھاتے ہوئے مزید کہا کہ یہ حال دیکھیں، اس کچرے کا مورد الزام ہم نے کسی کو نہیں ٹھہرانا بلکہ بطور قوم خود کو الزام دینا ہے۔
وسیم اکرم نے برہمی کا اظہار کرتے ہوئے کہا کہ یہ شرمناک ہے، پوری دنیا کہتی ہے کہ پاکستان بہت خوبصورت ملک ہے، لوگ خوبصورت ہیں، انہوں نے مزید کہا کہ لوگ خوبصورت ہیں لیکن گندے بھی ہیں یہ بات تو مانیں۔
انہوں نے مزید کہا کہ وہ لوگ جنہیں سوشل میڈیا پر نصیحتیں کرتے ہیں تو اب وقت ہے نصیحتیں کرنے کا، یہ کچرا سمندر کے اندر سے آیا ہے، جو سمندر میں ڈالا جاتا ہے وہ بڑی لہر کے ساتھ باہر آتا ہے۔
وسیم اکرم کی یہ ویڈیو سوشل میڈیا پر کافی وائرل ہوئی تھی جس کے بعد ان کی شکایت کا نوٹس لیتے ہوئے ساحل سمندر کی صفائی مکمل کرلی گئی۔
حال ہی میں پاکستانی کرکٹ لیجنڈ نے انسٹاگرام پر ایک ویڈیو شیئر کی جس میں وہ سی ویو پر موجود ہیں اور وہاں کی صفائی مکمل ہوگئی ہے۔
We need to stop pretending this is ok because it’s not! pic.twitter.com/obPZhP44Vd
— Wasim Akram (@wasimakramlive) October 5, 2020
وسیم اکرم نے اپنی ویڈیو میں سوشل میڈیا صارفین کا شکریہ ادا کیا جنہوں نے ساحل سمندر پر موجود کچرے کی ویڈیو کو شیئر کیا تھا۔
انہوں نے کہا کہ پچھلے ہفتے ہم نے جو ویڈیو بنائی تو اس کی وجہ سے اب کراچی کا ساحل صاف ہوگیا ہے۔
وسیم اکرم نےاپنی ویڈیو میں سی ویو کی صفائی کرنے والے عملے کی کوششوں کو بھی سراہا اور کہا کہ یہ روز صبح آکر ہمارا پھیلایا ہوا کچرا صاف کرتے ہیں۔
گزشتہ برس وسیم اکرم کی اہلیہ نے کراچی کے ساحل سمندر پر کچرے سے متعلق شکایت کی تھی، شنیرا اکرم نے سی ویو کو عوام کے لیے خطرناک اور غیر محفوظ قرار دیا تھا جبکہ اپنی ٹوئٹس میں حیران کن ویڈیوز بھی شیئر کیں، جن میں سی ویو پر کچرے میں بڑی تعداد میں استعمال شدہ سرنجیں نظر آئی تھیں۔
