جرمنی میں موسلادھار بارشوں نے سیلاب کی صورت اختیار کرلی
بدھ کی صبح ہونے والی لگاتار موسلادھار بارشوں نے جرمنی کے کئی شہروں کو سیلاب کی صورت حال سے دو چار کر دیا ہے۔
غیر ملکی میڈیا کے مطابق ہیگن ، ڈارٹمنڈ ، الٹینا نامی شہرسیلاب سے زیادہ متاثر ہو رہے ہیں ، انتظامیہ کی جانب سے الرٹ بھی جاری کردیا گیا ہے جبکہ صوبے نارتھ رائن ویسٹ فالیا کے شہر ڈوثلذڈورف میں صدی کے سب سے بڑے سیلاب کی وجہ سے ایک پورا ضلع خالی کرادیا گیا ہے۔
سیلاب زدہ علاقوں میں لوگوں کو تےخانوں میں جانے سے منع کردیا گیا ہے۔
غیر ملکی خبر رساں ادارے کا کہنا ہے کہ صوبے نارتھ رائن ویسٹ فیلیا میں سیلاب کی کارروائی کے دوران ایک فائر فائٹربھی ہلاک ہوگیا ہے جبکہ شہر کے فائر ڈیپارٹمنٹ نے ٹوئٹر پر اعلان کیا ہے کہ فی الحال متعدد کالوں کی وجہ سے ایمرجنسی کال اوور لوڈ ہوچکی ہے اور کہا ہے کہ “صبر کرو ہم اپنی پوری کوشش کریں گے”۔
