Featuredاسلام آباد

سی ڈی ڈبلیو پی کے اجلاس میں 61 ارب روپے سے زائد مالیت کے منصوبوں کی منظوری دے دی

اسلام آباد: ڈپٹی چیئرمین پلاننگ کمیشن جہانزیب خان کی زیر صدارت سی ڈی ڈبلیو پی کا اجلاس ہوا، اجلاس میں سی ڈی ڈبلیو پی نے 61 ارب روپے سے زائد مالیت کے 6 منصوبوں کی منظوری دے دی

سی ڈی ڈبلیو پی نے 60 کروڑ مالیت کے 3 ترقیاتی منصوبے منظور کیے جبکہ 60 ارب 64 کروڑ مالیت کے 3 ترقیاتی منصوبے ایکنک کو بھجوا دیے۔

منصوبوں میں تجارت، صنعت، ٹرانسپورٹ اور مواصلات کے منصوبے شامل ہیں۔
سی ڈی ڈبلیو پی نے گوادر میں 22.65 کروڑ سے مشترکہ بارڈر مارکیٹ، کیچ میں 18.39 کروڑ سے مشترکہ بارڈر مارکیٹ اور پنجگور کے علاقے گھیدی میں 18.45 کروڑ سے مشترکہ بارڈر مارکیٹ کی منظوری دی ہے، یہ مارکیٹس دونوں جانب مساوی رقبے پر کل 40 ہزار مربع میٹر پر محیط ہوں گی۔

یہ بھی پڑ ھیں : پنجاب کے چودہ اضلاع میں بڑے منصوبوں کا اعلان

منظوری دیے جانے والے منصوبوں میں راولپنڈی رنگ روڈ بانتھ سے تھلیاں تک 38.3 کلومیٹر کا 23.60 ارب کا منصوبہ اور لئی ایکسپریس وے رائٹ آف وے کے لیے 750 کنال اراضی کی خریداری کا منصوبہ بھی شامل ہے۔

رائٹ آف وے کے لیے اراضی کی خریداری کا منصوبہ 24.96 ارب روپے مالیت کا ہے جبکہ لئی ایکسپریس وے 16.5 کلو میٹر طویل کٹاریاں پل سے دریائے سواں تک طویل ہوگا۔

سی ڈی ڈبلیو پی نے 12 ارب 8 کروڑ مالیت کا ٹینتھ ایونیو کا منصوبہ ایکنک کو بھجوا دیا، یہ منصوبہ آئی جے پی روڈ کو سرینگر ہائی وے سے جوڑے گا۔

Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close