اسحاق ڈار کیخلاف نیب ضمنی ریفرنس کی سماعت بغیر کسی کارروائی کے 11 جولائی تک ملتوی

اسلام آباد: سابق وزیر خزانہ اسحاق ڈار کیخلاف نیب ضمنی ریفرنس کی سماعت جج محمد بشیر کی رخصت کے باعث بغیر کسی کارروائی کے 11 جولائی تک ملتوی کردی گئی ۔

تفصیلات کے مطابق سابق وزیر خزانہ اسحاق ڈار کیخلاف احتساب عدالت میں نیب ضمنی ریفرنس کی سماعت ہوئی،استغاثہ کے 4 گواہ عدالت میں پیش ہوئے،احتساب عدالت کے جج محمد بشیر کے چھٹی پر ہونے کے باعث سماعت ملتوی کردی گئی۔

عدالتی عملے نے شریک ملزمان اوراستغاثہ کے گواہوں کی حاضری لگائی اور سماعت 11 جولائی تک ملتوی کردی گئی۔