تاحیات نااہلی ممبر پارلیمنٹ کو ہمیشہ کےلیے اس کے حق نماٸندگی سے محروم کرنا ہے

لاہور:  تاحیات نااہلی قانون سے بالا سزا تھی، جسے ختم کر کے پارلیمنٹ نے اپنی حیثیت کو منوایا ہے

سیکریٹری اطلاعات استحکام پاکستان پارٹی فردوس عاشق اعوان نے تاحیات نااہلی خاتمے کے بل کو پارلیمانی سیاست کی نئی زندگی قرار دیا ہے۔

فردوس عاشق اعوان نے کہا کہ تاحیات نااہلی ختم کرنے کا بل پاس کرکے آئینی اور پارلیمانی سیاست کو نٸی زندگی دی گئی۔

انہوں نے کہا کہ تاحیات نااہلی قانون سے بالا سزا تھی، جسے ختم کر کے پارلیمنٹ نے اپنی حیثیت کو منوایا ہے، قانون میں سزا کا تصور بہتری کی ایک کوشش ہے۔

فردوس عاشق اعوان نے مزید کہا کہ اس کا ہرگز مطلب کسی کا حق تلف کرنا نہیں ہے، تاحیات نااہلی کسی ممبر پارلیمنٹ کو ہمیشہ کےلیے اس کے حق نماٸندگی سے محروم کرنا ہے۔

اُن کا کہنا تھا کہ جہانگیر ترین کی سیاست کو انتقام کی بھینٹ چڑھا کر داغ دار کرنے کی کوشش کی گٸی، آئی پی پی سربراہ کی سیاست میں عملی طور پر واپسی غریب عوام کےلیےخوشخبری ہے۔