کور کمانڈر کراچی کی وزیراعلیٰ سندھ سے ملاقات

کور کمانڈر کراچی لیفٹیننٹ جنرل نوید مختار نے وزیراعلیٰ سندھ سید مراد علی شاہ سے ملاقات کی جس دوران صوبے میں امن و امان سمیت سیکیورٹی کے معاملات پر بات چیت کی گئی۔میڈیا رپورٹس کے مطابق ملاقات میں محرم الحرام سے متعلق سیکیورٹی اقدامات پر بات چیت کرنے کے علاوہ کراچی میں جاری ٹارگٹڈ آپریشن، امن و امان کی صورتحال اور نیشنل ایکشن پلان سے متعلق ہونے والے اجلاس پر بھی گفتگو کی گئی۔