فیلڈ اسپتال سے پہلا مریض صحت یاب ہو کر ڈسچارج ہو گیا.
حوصلہ افزائی کے لیے کھڑے ہوکر تالیوں کی گونج میں اسے رخصت کیا جس پر مریض نے بھی ان سب کا شکریہ ادا کیا۔
کراچی : پاکستان میں کورونا سے ایک اچھی خبر یہ آئی ہے کہ کراچی میں ایکسپو سینٹر پر واقع کورونا کےفیلڈ اسپتال سے پہلا مریض صحت یاب ہو کر ڈسچارج ہو گیاہے.
گزشتہ روز کراچی کے ایکسپو سینٹر میں قائم فیلڈ اسپتال سے کورونا کا مریض جب صحت یاب ہوکر واپس روانہ ہوا تو اسٹاف ممبرز نے اس کی حوصلہ افزائی کے لیے کھڑے ہوکر تالیوں کی گونج میں اسے رخصت کیا جس پر مریض نے بھی ان سب کا شکریہ ادا کیا۔
حکومت سندھ کے ترجمان مرتضیٰ وہاب نے مریض کی حوصلہ افزائی کی ویڈیو اپنے ٹوئٹر اکاؤنٹ پر شیئر کی ہے.
Alhamdolillah! Such good news is so important in these testing times. This patient helped himself, his family, his near & dear ones and #SindhGovt by maintaining his isolation. Imagine how all of us can help each other by isolating ourselves & staying at home https://t.co/Bf6Qgj6hsA
— SenatorMurtaza Wahab (@murtazawahab1) April 17, 2020
مرتضیٰ وہاب نے لکھا کہ اس آدمی نے الگ تھلگ رہ کر اپنی، اپنے اہل خانہ کی اور قریبی افراد کی بھی مدد کی، اگر ہم سب بھی اپنے اپنے گھروں پر رہیں تو کورونا سے نمٹنے میں مدد مل سکتی ہے۔
واضح رہے کہ سندھ میں کورونا وائرس کے 2200 سے زائد مریض ہیں اور 47 افراد جاں بحق ہوچکے ہیں۔
