2 اوباش نوجوانوں نے سائیکل سوار 17 سالہ طالبہ کی جان لے لی
پولیس نے سی سی ٹیی وی فوٹیجز کی مدد سے اوباش نوجوانوں کو گرفتار کرلیا
دو اوباش لڑکوں نے لڑکی کو سائیکل سے گرایا بدقسمتی سے پیچھے سے آنے والی موٹر سائیکل نے لڑکی کو کچل دیا۔
بھارتی میڈیا کے مطابق اترپردیش کے علاقے امبیڈکرنگر کی مصروف شاہراہ پر تیز رفتار موٹر سائیکل سوار نے اسکول سے گھر سائیکل پر جانے والی 17 سالہ طالبہ کو کچل دیا۔
بھارتی میں 2 اوباش نوجوانوں نے سائیکل سوار 17 سالہ طالبہ کو دوپٹا (اسکول کی وی) کھینچ کر سڑک پر گرا دیا اور پیچھے سے آنے والی تیز رفتار موٹر سائیکل نے لڑکی کو کچل دیا جب کہ پولیس نے ڈرامائی انداز سے ملزمان کو گرفتار کرلیا۔
ہ سمجھا جا رہا تھا کہ یہ معمول کا کوئی حادثہ ہے لیکن طالبہ کی سہیلی نے پولیس کو بتایا کہ نینسی پاٹل کو دو اوباش لڑکوں نے سائیکل سے گرایا اور بدقسمتی سے پیچھے سے آنے والی موٹر سائیکل نے کچل دیا۔
سی سی ٹی وی فوٹیجز میں بھی دیکھا جا سکتا ہے کہ 17 سالہ نینسی اور اس کی سہیلی الگ الگ سائیکلوں میں اسکول سے واپس گھر جا رہی ہیں۔ اتنے میں دو موٹر سائیکل سوار نینسی کے اسکول یونی فرم کی وی کو کھینچتے ہیں۔
نینسی سائیکل پر توازن برقرار نہیں رکھ پاتی اور اسی دوران پیچھے سے آنے والی موٹر سائیکل سے ٹکرا جاتی ہے۔ طالبہ کی موقع پر ہی ہلاکت ہوجاتی ہے۔
In UP’s Ambedkarnagar, a purported CCTV video shows a 17-yr-old girl returning from school on a bicycle was waylaid by miscreants who pulled her "duptta”. The girl lost control and was hit by another motorist from behind. The girl died. pic.twitter.com/6Uek1No2jG
— Piyush Rai (@Benarasiyaa) September 16, 2023
پولیس نے سی سی ٹیی وی فوٹیجز کی مدد سے اوباش نوجوانوں کو گرفتار کرلیا اور ان کو طبی معائنے کے لیے اسپتال لیکر جا رہی تھی کہ اس دوران ملزمان نے پولیس نے اسلحہ چھین لیا۔
اوباش نوجوانوں نے بھاگنے کی کوشش کی جس پر دوسرے پولیس اہلکار نے ان کی ٹانگوں پر گولیاں ماریں جس سے وہ زخمی ہوکر گر پڑے۔ ملزمان کو کل عدالت میں پیش کیا جائے گا۔
طالبہ کے والد نے میڈیا کو بتایا کہ ایک ہفتہ قبل انہوں نے اوباش نوجوانوں کی شکایت پولیس چوکی میں جاکر کی تھی لیکن پولیس اہلکاروں نے کچھ نہیں کیا اور آج میری بیٹی مجھ سے ہمیشہ کے لیے دور چلی گئی۔
