عمران خان کو اقتدار جانے کا غم لگا ہے ، عمران خان ایک بہروپیا ہے; مریم اورنگزیب
![](https://www.pakistanviews.org/wp-content/uploads/2022/11/6-4.jpg)
اسلام آباد: عمران خان جھوٹ بول کر بھیس بدلتے ہیں، عمران خان چار سال میں خارجہ پالیسی کا جنازہ نکال کر گئے ہیں
پریس کانفرنس کرتے ہوئے مریم اورنگزیب نے کہا کہ عمران خان کا لانگ مارچ ورک فرام ہوم میں تبدیل ہو چکا ہے۔
مریم اورنگزیب نے کہا کہ عوام کو مارچ کا نہیں آپ کا مقصد ضرور سمجھ آگیا ہے، عمران خان جھوٹ بول کر بھیس بدلتے ہیں، عمران خان چار سال میں خارجہ پالیسی کا جنازہ نکال کر گئے ہیں، عمران خان صاحب، آپ کو جواب دینا پڑے گا۔
وزیراطلاعات نے کہا کہ عمران خان نے حرم شریف کی گھڑی کوڑیوں میں بیچی، عمران خان نے دکان لگائی ہوئی تھی، عمران خان کی گھڑی نے ان کی اوقات بتائی ہے، یو اے ای اور یو کے کی عدالت کیوں جا رہے ہیں رسیدیں دے دیں، گھڑی بیچنے کیلئے فرح گوگی اور شہزاد اکبر عمران خان کے ہینڈلرز بنے۔
مریم اورنگزیب نے کہا کہ آپ کے پاس نیب نہیں نیب کی ویڈیوز تھیں، پنجاب میں آپ کی حکومت ہے لوگوں کو انصاف دیں، پنجاب اور کے پی میں آپ کی حکومت ہے لوگوں کو بغیر ثبوت مرضی کی ایف آئی آر درج کروانے کا حق دیں۔