13 گرام وزن کا حامل دنیا کا سب سے چھوٹا موبائل فون

دورِ جدید میں جہاں دنیا بھر کی موبائل فون کمپنیاں نت نئی ٹیکنالوجی اور فیچرز سے لیس بڑے بڑے اسمارٹ فونز متعارف کروارہی ہیں وہیں ایک برطانوی کمپنی نے دنیا کا سب سے چھوٹا موبائل فون تیار کرلیا ہے۔

زینکو ٹائینی ٹی 1 نامی اس موبائل فون کا وزن صرف 13گرام ہے جبکہ ا س کی اسکرین کی لمبائی محض 0.47 انچ ہے۔

گو کہ انسانی انگوٹھے کے برابر اس موبائل فون میں اسمارٹ فونز والی خصوصیات نہیں پائی جاتیں، تاہم کال اور مسیج سمیت 2G انٹرنیٹ جیسے فیچرز اس موبائل میں موجود ہیں۔

اس موبائل فون کا ٹاک ٹائم 180 منٹ ہے جبکہ اس کی انٹرنل میموری 32 جی بی ہے۔

یہ موبائل فون اگلے ماہ فروخت کے لیے پیش کیا جائے گا، جس کی قیمت 50 امریکی ڈالر رکھی گئی ہے۔