ٹک ٹاک اسٹار جنت مرزا کا بڑا اعلان

ٹک ٹاک اسٹار جنت مرزا نے ٹوئٹر اکاؤنٹ کی تردید کرتے ہوئے کہا کہ فیس بک اور ٹوئٹر پر میرا کوئی اکاؤنٹ نہیں لہذا میرے نام سے نفرت پھیلانا بند کریں۔

ان خیالات کا اظہار پاکستان کی نمبر ون ٹک ٹاک اسٹار جنت مرزا نے سماجی رابطے کی ویب سائٹ انسٹاگرام پر پر کیا، انہوں نے کہا کہ میرے نام سے کیا گیا ٹوئٹ ‘جاپان کے لوگ پاکستانی عوام سے زیادہ بہتر ہیں’ نفرت پھیلانے کےلیے ہے، میرا ٹوئٹر پر کوئی اکاؤنٹ نہیں۔

انہوں نے اپنی انسٹاگرام اسٹوری میں کہا کہ پہلے لوگ اتنا پیار دیتے ہیں جب وہ کامیاب ہوجاتا ہے تو اسے گرانے کی کوشش کرتے ہیں، آپ لوگ کسی کو شہرت نہ دیں یا پھر اُسے ڈپریشن کا مریض نہ بنائیں۔

خیال رہے کہ جنت مرزا ٹک ٹاک پر ایک کروڑ فالوورز رکھنے والی پہلی پاکستانی ٹک ٹاک اسٹار ہیں، پاکستان کے شہر فیصل آباد سے تعلق رکھنے والی جنت مرزا نے ملک کا نمبر ون ٹک ٹاک ماڈل ہونے کا اعزاز بھی اپنے نام کرلیا۔