اداکارہ صبا قمر کو مداح نے شادی کی پیشکش کردی

اداکارہ صبا قمر نے کہا کہ جب صحیح وقت آئے گا تو وہ شادی کر لیں گی۔

صبا قمر نے حال ہی میں انسٹاگرام پر پرستاروں سے سوال و جواب کا ایک سیشن رکھا جس میں انہوں نے مداحوں کی جانب سے کیے جانے والے سوالات کے دلچسپ جوابات دیے۔

صبا قمر نے اپنی شادی کے حوالے سے ایک بار پھر تمام تر سوالوں پر اظہارِ خیال کردیا۔

اداکارہ نے شادی سے متعلق سوال کے جواب میں کہا کہ جب صحیح وقت آئے گا تو وہ شادی کر لیں گی۔

اسی سیشن کے دوران انہیں ایک مداح نے شادی کی پیشکش بھی کردی، مداح نے شادی کی پیشکش کرتے ہوئے کہا کہ آپ 50 برس کی بھی ہوجائیں تو میں آپ سے شادی کرنے پر راضی ہوں کیونکہ آپ خوبصورت دل رکھتی ہیں۔

اس شادی کی پیشکش کو اداکارہ نے مداح کی ذَرَّہ نَوازی قرار دیا اور ان کا شکریہ ادا کیا