کراچی: الیکٹرک بس ملیر، ایئرپورٹ سے ہوکر سی ویو تک جائے گی جس کا کرایہ پچاس روپے رکھا گیا ہے۔
افتتاح وزیر اطلاعات و ٹرانسپورٹ شرجیل انعام میمن نے کیا ان کے ہمراہ ناصر حسین شاہ، سعید غنی بھی موجود تھے۔
People of karachi will avail Pakistan’s first electric bus service from today. This service will start from Tank chouk malir cantt to clock tower roundabout, sea view defence using khayaban e ittehad. Airport passengers can also avail this bus service. #KarachiForEveryone pic.twitter.com/qVs4pDnrtB
— Sharjeel Inam Memon (@sharjeelinam) January 13, 2023
افتتاح کے بعد میڈیا سے بات چیت میں انہوں نے بتایا کہ پیپلز پارٹی کی جانب سے کراچی کے لیے پہلی الیکٹرک بس سروس شروع کی جا رہی ہے، یہ بس ماحول دوست ہے جو کس قسم کی آلودگی نہیں پھیلائے گی، یہ بجلی سے چارج سے ہوتی ہے اور ایک چارج پر 240 کلومیٹر چلتی ہے، بس کی شروعات ملیر ٹینک چوک سے شروع ہوگی جو ایئر پورٹ سے شارع فیصل سی ویو تک جائے گی۔
انہوں نے کہا کہ ایسی کوئی بس سروس ایئرپورٹ تک نہیں جاتی، پرائیویٹ ٹیکسی ایئرپورٹ تک 1500 روپے تک وصول کرتی ہے جب کہ الیکٹرک بس سروس کا کرایہ 50 روپے ہوگا۔
انہوں نے کہا کہ کراچی میں اربوں روپے کے منصوبوں پر کام جاری ہے، کراچی پاکستان کا معاشی حب ہے جس میں کسی نے پہلے ایسی پروجیکٹ نہیں دیئے، عوام سے گزارش ہے کہ اس بس کا خیال رکھیں یہ سہولت آپ کے لیے ہے اس طرح کے مزید پروجیکٹس لائیں گے، پیپلز پارٹی باتیں نہیں کام کرتی ہے۔
انہوں نے کہا کہ تحریک انصاف والے تین سال سے زائد عرصے تک اقتدار میں رہے لیکن ٹکے کا کام نہیں کیا، انہوں نے کراچی کے لیے کیا کیا؟ سندھ کے لیے کیا کیا؟
