پاکستان تحریک انصاف نے سیاسی کشدگی کے خاتمے اور جماعت اسلامی سے بات چیت کیلئے کمیٹی قائم کردی۔
پنجاب اور خیبرپختونخوا میں انتخابات کے معاملے پر کشیدگی کے خاتمے کیلئے جماعت اسلامی متحرک ہوگئی، امیر جماعت سراج الحق نے وفد کے ہمراہ گزشتہ روز وزیراعظم شہباز شریف اور پی ٹی آئی چیئرمین عمران خان سے ملاقاتی کیں۔
جماعت اسلامی نے بطور ثالث پاکستان ڈیمو کریٹک موومنٹ (پی ڈی ایم) کے اتحاد کے ساتھ بننے والی وفاقی حکومت اور پاکستان تحریک انصاف (پی ٹی آئی) کو مذاکرات کی میز پر لانے کی کوششیں شروع کیں۔
پاکستان تحریک انصاف نے کشیدگی سیاسی صورتحال کے خاتمے کیلئے ایک قدم بڑھاتے ہوئے جماعت اسلامی سے بات چیت کیلئے تین رکنی کمیٹی قائم کردی۔
پی ٹی آئی چیئرمین عمران خان کی ہدایت پر قائم کی گئی کمیٹی میں پرویز خٹک، سینیٹر اعجاز احمد چوہدری اور میاں محمود الرشید شامل ہیں۔
گزشتہ روز جماعت اسلامی کے امیر سراج الحق نے وفد کے ہمراہ وزیراعظم شہباز شریف سے ملاقات کی، ملاقات میں ایاز صادق اور خواجہ سعد رفیق لیاقت بلوچ اور امیر العظیم بھی موجود تھے، اس دوران ملک کی موجودہ سیاسی صورتحال پر تبادلہ خیال کیا گیا۔
وزیراعظم شہباز شریف سے امیر جماعت اسلامی سراج الحق کی تین رکنی وفد کے ہمراہ ملاقات، ملک کی موجودہ سیاسی صورتحال پر تبادلہ خیال۔ pic.twitter.com/BITeYmMNwX
— President PMLN (@president_pmln) April 15, 2023
امیر جماعت اسلامی سراج الحق نے وزیراعظم سے گفتگو میں کہا کہ ملک میں ایک ہی وقت انتخابات موضوع ہیں۔
وزیراعظم سے ملاقات کے بعد سراج الحق چیئرمین پی ٹی آئی عمران خان سے ملنے زمان پارک پہنچے، ان کے ساتھ نائب امیرِ جماعت لیاقت بلوچ اور مرکزی سیکریٹری جنرل امیر العظیم بھی تھے، سابق وزیراعظم سے ملاقات میں سینیٹر اعجاز احمد چوہدری، سینیٹر شبلی فراز اور حافظ فرحت عباس بھی شریک ہوئے۔
جماعت اسلامی کے وفد کی چئیرمین پاکستان تحریک انصاف @ImranKhanPTI سے ملاقات. جماعت اسلامی کے وفد میں سراج الحق صاحب بھی شامل-
pic.twitter.com/KhwA1MsZ7n— PTI (@PTIofficial) April 15, 2023
سراج الحق نے سابق وزیراعظم عمران خان کو سیاسی جماعتوں سے مذاکرات کی دعوت دی۔ اور کہا کہ سیاسی صورتحال کو سیاسی طریقے سے مل بیٹھ کر حل کرنا ہوگا، ملک اس وقت کسی غیر یقینی صورتحال کا متحمل نہیں ہوسکتا، ایک ہی وقت پر انتخابات ہونا ملک کیلئے بہتر اور ہماری جماعت کا ٹھوس مؤقف ہے۔
امیر جماعت اسلامی کی جانب سے انتخابات کے انعقاد کیلئے وسیع اتفاقِ رائے کیلئے کمیٹی کی تشکیل کی تجویز دی گئی، جس کا خیرمقدم کرتے ہوئے عمران خان نے کہا کہ تحریک انصاف آئین کے دائرہ و حدود کے اندر بات چیت کیلئے تیار ہے۔
