چئیرمین پی ٹی آئی عمران خان کی نا اہلی سے متعلق کیس کا فیصلہ محفوظ

الیکشن کمیشن نے بانی چئیرمین پی ٹی آئی عمران خان کی نا اہلی سے متعلق کیس کا فیصلہ محفوظ کرلیا۔

دوران سماعت سابق چئیرمین پی ٹی آئی کے وکیل شعیب شاہین نے مؤقف اختیار کیا کہ ہم نے انٹرا پارٹی انتخابات کا ریکارڈ جمع کرا دیا ۔ نیا پارٹی چیئرمین آگیا، اب یہ کیس ختم ہوجانا چاہیے۔ اگر آپ کیس چلانا ہی چاہتے ہیں تو اکبر ایس بابر پٹیشن دائر کر رہے اس کے ساتھ چلا لیں۔

چیف الیکشن کمشنر نے ریمارکس دیئے کہ آپ خالد محمود کو موقع دے رہے کہ وہ نئے چئیرمین کے خلاف بھی پٹیشن دائر کریں۔ درخواست گزار خالد محمود ایڈووکیٹ نے کہا پارٹی کے بانی ممبر اکبر ایس بابر سمیت کسی نے بھی پی ٹی آئی انٹرا پارٹی الیکشن کو تسلیم نہیں کیا۔ آپ آرڈر میں لکھ دیں کہ سابق چئرمین پی ٹی آئی سزا یافتہ ہیں اور پارٹی کا کوئی عہدہ نہیں رکھ سکتے۔

یہ بھی پڑھیں : مبینہ غیر شرعی نکاح کیس کے چاروں گواہوں کے بیانات قلمبند

چیف الیکشن کمشنرنے کہا کہ بانی چئیرمین پی ٹی آئی نے الیکشن لڑا ہی نہیں، اس میں ہم کچھ نہیں کہہ سکتے۔