عوام نے نگران حکومت اور پاک فوج کی کاوشوں سے حاصل کردہ معاشی استحکام پر اطمینان کا اظہار کرتے ہوئے کہا کہ نگران حکومت کے کاوشوں سے مہنگائی کو لگام ملی ہے اور ملک معاشی بحالی کی جانب گامزن ہے۔
عوام کا کہنا ہے کہ آرمی چیف کے مؤثر اقدامات کے باعث ڈالر کی قدر اور پیٹرول کے قیمتوں میں کمی واقع ہوئی ہے، آرمی چیف کے اقدامات سے عوام بہت خوش ہیں۔ نگران حکومت اور عسکری قیادت کی مشترکہ کاوشوں کی وجہ سے حالات بہت بہتر ہیں۔
عوام کا کہنا ہے کہ نگران حکومت پچھلی حکومتوں سے بہتر ہے، فوج ہے تو پاکستان ہے پاکستان ہے تو فوج ہے۔ اگر پاک فوج نہ ہوتی تو پاکستان کب کا ختم ہو چکا ہوتا۔ ترقی کے اس سفر کو جاری رہنا چاہیے۔
انہوں نے کہا کہ نگران حکومت اور آرمی چیف پر پوری پاکستانی قوم کا اعتماد ہے، نگران حکومت کی کاوشوں کے باعث سمگلنگ اور ذخیرہ اندوزی پر بھی کافی حد تک قابو پایا گیا، آئندہ آنے والی حکومتوں کو بھی نگران حکومت کے اقدامات سے سبق سیکھنا چاہیے۔
