بانی پی ٹی آئی نے دعویٰ کیا ہے کہ قومی اسمبلی کی 170 سے زائد نشستیں جیت کر دو تہائی اکثریت حاصل کرچلی ہے۔
پی ٹی آئی کی جانب سے الیکشن میں فتح کے بعد اڈیالہ جیل میں قید بانی چیئرمین عمران خان کی مصنوعی ذہانت کی مدد سے بنائی گئی ویڈیو پی ٹی آئی نے بانی چیئرمین کے اکاؤنٹ سے شیئر کی۔
اے آئی کی مدد سے بنائی گئی ویڈیو میں عمران خان نے قوم سے خطاب میں دعویٰ کیا کہ پی ٹی آئی قومی اسمبلی کی 170 سے زائد نشستیں جیت کر دو تہائی اکثریت حاصل کرچلی ہے۔
انہوں نے کہا کہ ’آپ (قوم) نے ہمیں ووٹ دے کر پاکستان میں حقیقی جمہوریت کی بنیاد رکھی ہے۔ میں آپ سب کو 2024 کے انتخابات جیتنے پر مبارکباد پیش کرتا ہوں، مجھے پورا یقین تھا کہ آپ سب ووٹ ڈالنے کے لیے باہر آئیں گے۔ بڑے پیمانے پر ٹرن آؤٹ نے سب کو حیران کر دیا اور آپ نے میرا مان رکھا ہے‘۔
Chairman Imran Khan’s victory speech (AI version) after an unprecedented fightback from the nation that resulted in PTI’s landslide victory in General Elections 2024. pic.twitter.com/Z6GiLwCVCR
— Imran Khan (@ImranKhanPTI) February 9, 2024
عمران خان نے کہا کہ آپ کے ووٹوں کی وجہ سے لندن پلان ناکام ہو گیا ہے۔ نواز شریف نے کم از کم 30 حلقوں میں [این اے میں] پیچھے ہونے کے باوجود فتح کی تقریر کی، پاکستان میں کوئی بھی اس تقریر کو قبول نہیں کرے گا حتیٰ کہ عالمی میڈیا بھی اس کے خلاف لکھ رہا ہے۔
انہوں نے کہا کہ آزاد ذرائع سے یہ بات سامنے آئی ہے کہ ہم دھاندلی شروع ہونے سے پہلے 150 حلقوں میں جیت رہے تھے جبکہ فارم 45 کے مطابق پی ٹی آئی کے آزاد امیدوار قومی اسمبلی کی کُل 265 میں سے 170 نشتیں جیت چکے ہیں اور پی ٹی آئی نے دو تہائی اکثریت سے واضح برتری حاصل کرلی۔
