کراچی: وزیر اعلیٰ سندھ سید مراد علی شاہ کی نا اہلی سے متعلق درخواست پر سماعت 25 مئی تک ملتوی کر دی گئی ، عدالت نے فریقین کو آئندہ سماعت پر دلائل مکمل کرنے کی ہدایت کر دی ۔
سندھ ہائی کورٹ میں درخواست گزار نے موقف اپنایا کہ مراد علی شاہ نے دوہری شہریت رکھتے ہوئے انتخابات میں حصہ لیا ۔
مجھے الیکشن کمیشن کا جواب ملا اور نہ ہی وزیر اعلیٰ کا ۔
عدالت نے ریمارکس دیے کہ جواب نہیں ملا تو آپ اپنے دلائل دیں ، عدالت نے الیکشن کمیشن حکام کو جواب کی کاپی درخواست گزار کو فراہم کرنے کی ہدایت دیتے ہوئے کہا کہ آج ہی جواب ان کے پتے پر کورئیر کریں ۔
عدالت نے درخواست کی مزید سماعت 25مئی تک ملتوی کر دی ۔
