ایک بار پھر پیٹرول کی قیمت میں اضافہ کر دیا گیا

اسلام آباد: پیٹرول کی قیمت میں 5.40 روپےفی لیٹر اضافے کی منظوری دے دی گئی۔

ڈیزل کی قیمت میں 2.54 روپے فی لیٹر اضافے کی منظوری دی گئی ہے، مٹی کے تیل کی قیمت میں 1.39 روپے فی لیٹر اضافے، جب کہ لائٹ ڈیزل کی قیمت میں 1.27 روپے فی لیٹر اضافے کی منظوری دی گئی ہے۔

یاد رہے کہ گزشتہ روز ذرائع پیٹرولیم ڈویژن نے کہا تھا کہ عالمی منڈی میں پیٹرولیم مصنوعات کی قیمتوں میں اضافے کا رجحان ہے، جس کی وجہ سے پیٹرول کی قیمت میں ساڑھے 11 روپے اضافے کی تجویز دی گئی ہے۔

ہائی اسپیڈ ڈیزل کی قیمت میں 2 روپے 40 پیسے اضافے کی تجویز دی گئی تھی، مٹی کے تیل کی قیمت میں ڈیڑھ روپے اضافے کی تجویز ہے جب کہ لائٹ ڈیزل کی قیمت میں ایک روپے 40 پیسے تک بڑھانے کی تجویز دی گئی تھی۔