واشنگٹن : امریکا کا عراق سے تمام افواج کو واپس بلانے کا اعلان۔
امریکی وزیر دفاع لائیڈ آسٹن نے عراقی وزیر دفاع سے ملاقات میں یقین دہانی کرائی ہے کہ امریکا رواں برس عراق سے تمام افواج کو واپس بلالے گا۔
لائیڈ آسٹن نے کہا کہ داعش کے خلاف جنگ میں امریکا عراق کے ساتھ ہے۔ ایران کے ساتھ جوہری مسئلے کے سفارتی حل کے لیے پرعزم ہیں۔ امریکا جوہری سمجھوتے کی بحالی کے لیے ویانا مذاکرات میں شرکت کرے گا۔
ایران اور عالمی قوتوں کے درمیان 29 نومبر سے ویانا میں مذاکرات ہونے جارہے ہیں۔
