More share buttons
Share with your friends










Submit
Featuredکھیل و ثقافت

گوادر کے پہاڑوں کے درمیان فٹ بال اسٹیڈیم کی تزئین و آرائش مکمل

Share on Pinterest
Share with your friends










Submit

گوادر : قدیم فٹ بال اسٹیڈیم ایک لاکھ 83 ہزار اسکوائر فٹ کی طویل اراضی پر پھیلا ہوا ہے

دلکش کرکٹ اسٹیڈیم کے بعد کوہِ باطل کے پہاڑوں کے دامن میں قائم فٹ بال اسٹیڈیم کا بھی افتتاح کیا جائے گا، جو مکران کے شہریوں اور خاص طور پر کھیلوں کے شائقین کے لیے باعث مسرت ہے۔

گوادر ڈیلوپمنٹ اتھارٹی کے ڈائریکٹر جنرل مجیب الرحمٰن قمبرانی کا کہنا ہے کہ میر غوث بزنجو فٹ بال اسٹیڈیم کی تزئین و آرائش مکمل ہوچکی ہے بلوچستان کے وزیر اعلیٰ میر عبدالقدوس بزنجو جلد اس کا افتتاح کریں گے۔

یہ قدیم فٹ بال اسٹیڈیم ایک لاکھ 83 ہزار اسکوائر فٹ کی طویل اراضی پر پھیلا ہوا ہے، جو خستہ حال اور ہریالی سے خالی تھا۔

مجیب الرحمٰن قمبرانی کا کہنا تھا کہ اس سے قبل کھلاڑی یہاں مٹی میں کھیلا کرتے تھے، اب اسٹیڈیم میں ہریالی کے ساتھ فلڈ لائٹس بھی لگادی گئی ہیں۔

اسٹیڈیم میں تماشائیوں کے لیے نیا پاویلین، مہمانوں کے بیٹھنے کےلیے سیٹنگ ایریا، کھلاڑیوں کے لیے کمرے اور دفاتر بھی بنائے گئے ہیں، اس کے علاوہ زیر زمین واٹر ٹینک بھی تعمیر کیے گئے ہیں۔

فٹ بال کے میدان میں شائقین کے لیے پانی واکنگ ٹریکس اور پارکنگ ایریا بھی موجود ہیں، علاوہ ازیں دیگر مقامات کو بھی بہتر کیا گیا ہے۔

مجیب الرحمٰن قمبرانی کا مزید کہنا تھا کہ ’گوادر میں فٹ ایک مشہور کھیل ہے، اس لیےکھیلوں کے شائقین نے اسٹیڈیم کی تزئین و آرائش پر خوشی کا اظہار کیاہے۔

ان کا کہنا تھا کہ ’ہم دیگر اسٹیڈیمز کو بھی بہتر کرنے کی کوشش کر رہے ہیں تاکہ شہر کے نوجوان بہتر ماحول میں صحت مندانہ سرگرمیاں جاری رکھ سکیں۔

انہوں نے کہاکہ ’گوادر کے شہریوں نے کھیلوں کو فروغ دینے اور فٹ بال اسٹیڈیم کی حالت بہتر کرنے پر صوبائی حکومت کے اقدامات کو سراہا۔

نومبر 2020 میں سابق وزیر اعلیٰ بلوچستان جام کمال نے گوادر میں سینیٹر محمد اشفاق بلوچ کرکٹ اسٹیڈیم کا افتتاح کیا تھا جو صوبائی حکومت اور پاکستان آرمی کے مشترکہ تعاون سے تعمیر کیا گیا تھا۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close