قومی اسمبلی کی مخصوص نشستوں پر شرمیلا فاروقی اور سحر کامران منتخب

پیپلز پارٹی کی رہنما شرمیلا فاروقی اور سحر کامران مخصوص نشست پر رکنِ قومی اسمبلی منتخب ہو گئیں۔

اس حوالے سے الیکشن کمیشن نے نوٹیفکیشن جاری کر دیا ہے۔

پیپلز پارٹی کی رہنما شازیہ مری اور نفیسہ شاہ نے جنرل الیکشن جیتنے کے بعد مخصوص نشست سے استعفیٰ دیا تھا۔

علاوہ ازیں پنجاب اسمبلی کی نشست پی پی297 سے آزاد امیدوار خضر حسین مزاری کی کامیابی کا نوٹیفکیشن بھی جاری کر دیا گیا ہے۔