صفحہ اول Featured (ق) لیگ اتحادی جماعت ہے، گلے شکوے ہیں تو سنیں گے: گورنرپنجاب

(ق) لیگ اتحادی جماعت ہے، گلے شکوے ہیں تو سنیں گے: گورنرپنجاب

54 second read
0
0
Share on Pinterest
Share with your friends










Submit

فیصل آباد: گورنر پنجاب چوہدری محمد سرور کا کہنا ہے کہ مسلم لیگ (ق) ہماری اتحادی جماعت ہے اگر ان کے کوئی گلے شکوے ہیں تو اسے ضرور سنا جائے گا۔ میڈیا سے بات کرتے ہوئے گورنر پنجاب نے کہا کہ چوہدری برادران سے بہت اچھے تعلقات ہیں، ایک خاندان میں بھی باتیں ہوجاتی ہیں، ایک ویڈیو منظر عام پر آنے سے کوئی ایسا طوفان نہیں آیا اور کوئی غلط فہمی نہیں ہے۔

چوہدری سرور نے کہا کہ پنجاب میں طاقت کا ایک ہی مرکز وزیراعلیٰ پنجاب ہیں اور پی ٹی آئی کے تمام اتحادیوں کے تعاون سے سینیٹ کے دونوں امیدوار کامیاب کروائیں گے۔

گورنر پنجاب کا کہنا تھا کہ طارق بشیر چیمہ کے حلقہ میں کوئی مداخلت نہیں کی، ان کے حلقے سے ملحقہ حلقے میں نعیم وڑائچ کو پارٹی کا امیدوار بنایا۔ چوہدری سرور نے کہا کہ تبدیلی کے آثار لوگوں کو بہت جلد نظر آنا شروع ہوجائیں گے، وزیراعظم سمیت ہم سب اپنے آپ کو احتساب کے لیے پیش کرتے ہیں۔

یاد رہے کہ سوشل میڈیا پر ایک ویڈیو تیزی سے وائرل ہورہی ہے جس میں وفاقی وزیر ہاؤسنگ طارق بشیر چیمہ کو وزیراعظم عمران خان کے قریبی ساتھی جہانگیر ترین سے گورنر پنجاب کی شکایت کرتے دیکھا جاسکتا ہے۔

اسپیکر پنجاب اسمبلی چوہدری پرویز الٰہی کی رہائش گاہ پر ہونے والی اس ملاقات کے دوران طارق بشیر نے جہانگیر ترین کو کہا کہ ’سر مہربانی کریں چوہدری سرور کو کنٹرول کریں، یہ آپ کے وزیراعلیٰ کو نہیں چلنے دیں گے‘ جس پر چوہدری پرویز الٰہی نے بھی ہاں میں ہاں ملائی۔

Share on Pinterest
Share with your friends










Submit
مزید مماثل خبریں

Leave a Reply

Your email address will not be published. Required fields are marked *

Check Also

کفایت شعاری نظرانداز؛ وزراء کی رہائشگاہوں کی تزئین وآرائش کیلیے کروڑوں کا مطالبہ

اسلام آباد: تحریک انصاف حکومت کی جانب سے ایک جانب کفایت شعاری کے دعوے کئے جارہے ہیں تو دوس…