بہادر گارڈنے تنہا تین ڈاکوﺅں کا مقابلہ کرکے بینک کو لوٹنے سے بچالیا

نارتھ کراچی سیکٹر 5 میں ایک نجی بینک میں تین ڈاکو واردات کی نیت سے داخل ہوئے، ملزمان نے بینک میں داخل ہوتے ہی سکیورٹی گارڈ کی آنکھوں میں مرچیں ڈال دیں اور بینک کو لوٹنے کی کوشش کی مگر سکیورٹی گارڈ نے انتہائی دلیری کا مظاہرہ کرتے ہوئے اسی حالت میں ڈاکوﺅں کا مقابلہ کیا۔ پولیس کے مطابق ملزمان اور سکیورٹی گارڈ کے درمیان فائرنگ کا تبادلہ بھی ہوا۔ فائرنگ کے تبادلے کے بعد دو ڈاکو موقع سے فرار ہوگئے جبکہ ایک ملزم کو گرفتار کرکے اس کے قبضے سے ٹی ٹی پستول برآمد کرلی گئی