More share buttons
Share with your friends










Submit
سندھ

بلین ٹری منصوبے میں مبینہ کرپشن: فردوس عاشق اعوان اور مریم اورنگزیب آمنے سامنے

عمران خان کے ایک ارب میں سے 90 فیصد پودے غائب ہیں

Share on Pinterest
Share with your friends










Submit

اسلام آباد: بلین ٹری منصوبے میں مبینہ کرپشن کے معاملے پر مسلم لیگ (ن) کی ترجمان مریم اورنگزیب اور وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان آمنے سامنے آگئیں۔

مسلم لیگ (ن) کی ترجمان مریم اورنگزیب کا کہنا ہے کہ عمران خان کے ایک ارب میں سے 90 فیصد پودے غائب ہیں اور 10 کروڑ پودوں کو بھی 5 ارب بنا دیا گیا ہے، شائد زبان پھسل گئی ہوگی۔

انہوں نے کہا کہ ایک کروڑ نوکری اور 50 لاکھ گھروں کا خواب دیکھنے والوں کیلئے گھبرانے کا وقت ہو گیا ہے، پانچ ارب درخت اُسی سیارے پر لگائے گئے جہاں 50 لاکھ گھر تعمیر ہورہے ہیں۔

ان کا کہنا تھا کہ 23 سال کے ڈرامے کی حقیقت روز عوام کے سامنے عیاں ہو رہی ہے۔

’حکومت کے سیاسی مخالفین نے یکطرفہ دورہ کرکے اپنی مرضی کی رپورٹ دی‘

وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان کا ردعمل میں کہنا ہے کہ ووٹوں کی گنتی سے شکست خوردہ عناصر درختوں کی گنتی کرکے سیاسی نشہ پورا کرنے کی کوششوں میں مصروف ہیں۔

انہوں نے کہا کہ ترجمان ن لیگ بتائیں جب سے ضمانت ملی ہے میاں صاحب کے دل کی حالت کیسے ٹھیک ہوگئی؟

یہ بھی پڑھیں: بلین ٹری منصوبے میں بھاری کرپشن کا سراغ مل گیا، نیب تحقیقات کریگی

ان کا کہنا تھا کہ بلین ٹری سونامی کے بارے میں اپوزیشن ارکان کی نام نہاد رپورٹ خیبرپختونخوا میں پولیو ڈرامے کی طرز پر ایک اور ڈرامہ ہے، حکومت کے سیاسی مخالفین نے یکطرفہ دورہ کرکے اپنی مرضی کی رپورٹ دی جو حقائق پر مبنی نہیں۔

یاد رہے کہ گزشتہ روز بلین ٹریز سونامی منصوبے میں بڑے پیمانے پر کرپشن اور گھپلوں کے انکشاف پر پارلیمنٹ کی انکوائری کمیٹی نے بنوں کا دورہ کیا تھا۔

کمیٹی کے رکن اکرم درانی نے انکشاف کیا کہ ایک ارب سے زائد درخت لگانےکا دعویٰ کرنے والے دس کروڑ درخت بھی نہیں لگاسکے ہیں۔

Share on Pinterest
Share with your friends










Submit
Tags

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close