دنیا
صدر اوباما رواں ماہ ہیرو شیما کا دورہ کریں گے
صدر اوباما رواں ماہ امریکی ایٹمی حملوں کا نشانہ بننے والے جاپانی شہر ہیرو شیما کا دورہ کریں گے۔ صدر اوباما دور صدارت میں ہیرو شیما کا دورہ کرنے والے پہلے امریکی صدر ہوں گے۔
وائٹ ہاؤس نے کہا ہے کہ 21 سے 28 مئی تک ویتنام اور جاپان کے دورے کے اختتام پر بارک اوباما جاپانی وزیر اعظم کے ہمراہ ہیرو شیما کا دورہ کریں گے۔
ہیرو شیما پر دوسری جنگ عظیم کے دوران امریکہ نے دنیا کا پہلا ایٹمی بم گرایا تھا۔
وائٹ ہاؤس نے بتایا کہ اوباما دورے سے جوہری ہتھیاروں کے بغیر دنیا میں امن اور سلامتی کو فروغ دینے کے عزم کو اجاگر کرنے کی کوشش کریں گے۔ اوباما کے مشیر بین رہوڈز نے اس امکان کی تردید کی ہے کہ اوباما ہیرو شیما اور ناگا ساکی پر بم گرائے جانے پر معذرت کریں گے۔
