More share buttons
Share with your friends










Submit
تجارت

ایمنسٹی اسکیم اگر کامیاب ہوئی تو حکومتی ریونیو میں اضافہ ہو سکتا ہے، موڈیز

Share on Pinterest
Share with your friends










Submit

عالمی ریٹنگ ایجنسی موڈیز کا نئی ٹیکس ایمنسٹی اسکیم کے حوالے سے کہنا ہے کہ اگر اسکیم کامیاب ہوئی تو حکومت پاکستان کے ریونیو میں اضافہ ہوسکتا ہے۔ موڈیز کا کہنا ہے کہ حکومت پاکستان کی جانب سے جاری کردہ نئی ایمنسٹی اسکیم سے مالی مشکلات میں کمی اور بیرونی ادائیگیوں کے دباؤ میں بھی کمی واقع ہوگی۔ موڈیز کے مطابق بیرون ملک اثاثے ظاہر کر کے رقم آنے سے پاکستان کے توازن ادائیگی میں بہتری ہوگی اور ظاہر نہ کئے جانے والے اثاثے ٹیکس نیٹ میں آنے سے پاکستان کا ٹیکس نیٹ بڑھے گا۔ عالمی ریٹنگ ایجنسی کا کہنا ہے کہ ایمنسٹی اسکیم سے پاکستان کے محاصل میں جی ڈی پی کے ایک فیصد تک اضافہ ہوگا۔ یاد رہے کہ وزیراعظم شاہد خاقان عباسی نے 5 اپریل کو ٹیکس کی شرح کم کرنے اور بیرون ممالک اثاثے رکھنے والے افراد کے لئے نئی ٹیکس ایمنسٹی اسکیم کا اعلان کیا تھا۔ نئی ایمنسٹی اسکیم کے تحت 2 فیصد ٹیکس کی ادائیگی کر کے بیرون ملک سے جتنے چاہیں پیسے پاکستان لائے جا سکیں گے جبکہ ایک لاکھ روپے ماہانہ آمدنی پر کوئی ٹیکس نہیں ہوگا۔ نئی ٹیکس ایمنسٹی اسکیم کے مطابق 12 سے 24 لاکھ روپے سالانہ آمدن والوں پر 5 فیصد، 24 سے 48 لاکھ سالانہ آمدن والوں کو 10 فیصد اور 48 لاکھ سے زائد سالانہ آمدن پر 15 فیصد ٹیکس عائد ہو گا۔

Share on Pinterest
Share with your friends










Submit
ٹیگز
مزید دیکھیں

متعلقہ خبریں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے