گولڈن ساڑی میں چھایا جھانوی کپور کا دیسی انداز، تصاویر وائرل

اداکارہ جھانوی کپور نے جنوبی ہندوستان کے ایک مندر کے درشن کئے۔ جمعہ کو انہوں نے روایتی ڈریس میں اپنی کچھ تصاویر شیئر کیں اور نئے سال کا آغاز منفرد انداز سے کیا۔ گولڈن ساڑی میں اداکارہ کے دیسی لک کو لوگ کافی پسند کر رہے ہیں۔

جمعہ کو جب اداکارہ جھانوی کپور نے روایتی ڈریس میں اپنی کچھ تصاویر شیئر کیں تو مداحوں نے کمنٹس کرکے ان کی تعریف شروع کردی۔ اداکارہ نے تصویر کے ساتھ کیپشن میں لکھا: اب 2024 جیسا لگ رہا ہے۔

جھانوی نے ہیروں کا ہار اور اس سے ملتے جلتے جھمکے پہن رکھے ہیں۔ جھانوی نے پنک لپ اسٹک کے ساتھ میک اپ کو کم از کم رکھا ہے۔

جھانوی نے گولڈن کلر کی ساڑی میں اپنی کئی تصاویر شیئر کی ہیں، جس میں وہ کافی خوش نظر آرہی ہیں۔ تصویروں میں وہ موسم سرما کی دھوپ سے لطف اندوز ہو رہی ہیں۔

جھانوی سوشل میڈیا پر کافی ایکٹو رہتی ہیں۔ وہ آنجہانی اداکارہ سری دیوی اور فلم پروڈیوسر بونی کپور کی بیٹی ہیں۔ انہوں نے فلم ‘دھڑک’ سے بالی ووڈ میں قدم رکھا تھا۔

نیٹیزنز ان تصاویر پر کمنٹس کر کے جھانوی کے لئے اپنی محبت اور احترام کا اظہار کر رہے ہیں۔ کچھ دنوں پہلے وہ ‘کافی ود کرن’ میں بہن خوشی کپور کے ساتھ نظر آئی تھیں، جنہوں نے نیٹ فلکس کی فلم ‘دی آرچیز’ سے ڈیبیو کیا ہے۔

جھانوی کی اگلی فلمیں ‘مسٹر اینڈ مسز ماہی’ اور ‘الجھ’ ہے۔ جھانوی تیلگو ایکشن ڈرامہ ‘دیورا’ میں بھی نظر آئیں گی۔ اس میں این ٹی آر جونیئر اور سیف علی خان ہیں۔