انٹرٹینمنٹ
اداکارہ وینا ملک کی طبیعت ناساز
وینا ملک نے اپنی طبیعت ناساز ہونے پر دُعاؤں کی اپیل کردی۔
وینا ملک نے اپنے مداحوں کو اپنی صحت کے حوالے سے آگاہ کرنے کے لیے مائیکرو بلاگنگ سائٹ ٹوئٹر کا رُخ کیا۔
اداکارہ نے ٹوئٹر پر اپنی کچھ تصویریں شیئر کیں جن میں وہ اسپتال میں موجود ہیں اور ڈاکٹر اُن کا بلڈ ٹیسٹ کررہے ہیں۔
وینا ملک نے اپنے ٹوئٹ میں مداحوں سے مخاطب ہوتے ہوئے دُعاؤں کی اپیل کی۔
دعاؤں کی درخواست🙏
اور جب میں بیمار ھوتا ھوں تو اللہ مجھے شفا دیتا ھے۰۰۰ اللہ شافی اللہ کافی❤️ pic.twitter.com/OzIlXeit46
— VEENA MALIK (@iVeenaKhan) October 8, 2021
اُنہوں نے مزید لکھا کہ ’اور جب میں بیمار ہوتی ہوں تو اللّہ تعالیٰ مجھے شفا دیتا ہے۔
وینا ملک کے ٹوئٹ پر صارفین کی بڑی تعداد اُن کی جلد صحتیابی کے لیے دُعائیہ پیغامات جاری کرتی نظر آرہی ہے۔
واضح رہے کہ وینا ملک ویب سیریز کے ذریعے 7 برس بعد اداکاری کی دنیا میں انٹری دے رہی ہیں۔
