وینا ملک کی والدہ نے سابق داماد کو عدالت میں بوتل مار دی
عدالت میں آئے وینا ملک کے سابق شوہر اسد خٹک کو اداکارہ کی ماں نے بوتل دے ماری۔
اسد خٹک کو اداکارہ کی ماں نے اس وقت بوتل ماری جب وہ میڈیا سے گفتگو کررہے تھے۔
اس وقت وینا ملک نے بھی ماں کا ساتھ دیا اور سابق شوہر اسد خٹک کو برا بھلا کہتی رہیں لیکن پھر پولیس اہلکار اور گارڈز انہیں دور لے گئے۔
وینا ملک کی والدہ نے اپنے سابق داماد کو عدالت کے باہر بوتل دے ماری۔#Lahore#VeenaMalik pic.twitter.com/emnDcFJaLZ
— Crime World (@CrimeWorld5) December 4, 2021
عدالت میں بچوں کی حوالگی کے کیس میں اسد خٹک کے وکیل نے بچوں سے ملاقات نہ کروائے جانے پر شکایت کی اور کہا آج بچوں کی ملاقات کرانی تھی،گزشتہ پیشی پر نہ لانے کی بنا پر عدالت نے جرمانہ کیا تھا۔
وینا ملک کے وکیل نے جواب میں بتایا کہ بچوں کو ملانے کا عدالت سے کوئی تحریری حکم نہیں، ہم چاہتے بچوں کو ملوائیں لیکن بچے بیمار ہیں کراچی میں ہیں کیسے لائیں؟اسد خٹک نے بچوں سے ملاقات کرنی ہے تو گھر پر آجائیں۔عدالت نے بچوں کو والد سے ملوانے کی ہدایت دیتے ہوئے کہا ہے کہ اگر بچوں کو آج نہ ملایا گیا تو تحریری آڈر دیں گے۔
