منحرف اراکین کو ڈی سیٹ کرنے کے لیے پی ٹی آئی کی ہائی کورٹ میں درخواست دائر

اسلام آباد: پی ٹی آئی کے منحرف اراکین نے وزیراعلیٰ کے لیے حمزہ شہباز کو ووٹ دیا

پی ٹی آئی کی جانب سے منحرف اراکین کو ڈی سیٹ کرنے کے لیے ہائی کورٹ میں درخواست دائر کردی گئی ہے۔

درخواست تحریک انصاف کے سبطین خان کی جانب سے دائر کی گئی ہے۔

درخواست میں مؤقف اختیار کیا گیا ہے کہ پی ٹی آئی کے منحرف اراکین نے وزیراعلیٰ کے لیے حمزہ شہباز کو ووٹ دیا، عمران خان نے منخرف اراکین کو شوکاز نوٹس جاری کیے، منحرف اراکین کا ریفرنس بنا کر الیکشن کمیشن میں بھجوایا جا چکا ہے۔

درخواست میں استدعا کی گئی ہے کہ الیکشن کمیشن کو حکم دیا جائے کہ وہ منحرف اراکین کو فوری ڈی سیٹ کرنے کا نوٹیفکیشن جاری کرے۔

عدالت نے نوٹس جاری کرتے ہوئے الیکشن کمیشن سے جواب طلب کرلیا۔