لاہور: توشہ خانہ کیس میں عمران خان کی گرفتاری کے لیے اسلام آباد پولیس عمران خان کے گھر میں داخل ہوگئی۔
پولیس اور پی ٹی آئی کارکنان کے درمیان تصادم ہوا جس میں پی ٹی آئی کارکن اور اہلکار زخمی ہوئے جبکہ متعدد کو گرفتار کیا گیا۔
Blatant fascism on your own citizens. They are Pakistan’s citizens, Pakistan’s lover not some terrorists! #زمان_پارک_پہنچو pic.twitter.com/nYWV0EMU0O
— PTI (@PTIofficial) March 14, 2023
اسلام آباد پولیس کے ہمراہ لاہور پولیس کی بھاری نفری بھی عمران خان کے گھر کے باہر ہے، پولیس نے زمان پارک جانے والے تمام راستے بند کردیے۔ اسلام آباد پولیس کی جانب سے ڈی آئی جی آپریشن اسلام آباد شہزاد ندیم بخاری بکتر بند گاڑی اور پولیس ٹیم کے ہمراہ آئے ہیں۔
Fascist Mafia under which case, a warrant has come to arrest Imran Khan?
We the nation stan steady and will fight for the safety of our leader!!!!#زمان_پارک_پہنچو
— PTI Islamabad (@PTIOfficialISB) March 14, 2023
پہلے سے موجود وہاں کارکنوں نے گرفتاری کے خلاف مزاحمت کی تو پولیس نے ان پر لاٹھی چارج کیا۔ پولیس نے واٹر کینن گاڑیاں بھی طلب کیں جن سے کارکنوں پر پانی پھینکا گیا جب کہ مزاحمت کرتے ہوئے کارکنوں ںے پولیس پر پتھراؤ کیا۔ پولیس نے آنسو گیس کی شیلنگ بھی کی۔
Punjab police is now destroying the camps around zaman park.#زمان_پارک_پہنچو pic.twitter.com/zYIQLgWSmX
— PTI Islamabad (@PTIOfficialISB) March 14, 2023
دوسری جانب کارکنان کی بڑی تعداد زمان پارک پہنچی ہوئی ہے اور پولیس کے خلاف مزاحمت کے لیے تیار ہے۔ انہوں نے ہاتھوں میں ڈنڈے اٹھائے ہوئے ہیں اور شدید نعرے بازی کررہے ہیں تاہم پولیس انہیں کامیاب ہونے نہیں دے رہی۔
پولیس کی زمان پارک کی جانب پیش قدمی جاری ہے، پولیس اہلکاروں کی بھاری نفری ڈھال اور دیگر آلات کے ساتھ کارکنوں کو مسلسل دھکیلتے ہوئے آگے کی جانب رواں دواں ہے۔ پولیس نے کارکنوں کے بیس کیمپ اکھاڑ دیے۔
زمان پارک کے باہر ایک بار پھر اسلام آباد پولیس پہنچ گئی ۔۔۔ ڈی آئی جی آپریشنز شہزاد ندیم بخاری کا عمران خان کی ممکنہ گرفتاری کے بارے میں کیا کہنا ہے ۔۔ آپ بھی سنیئے#ZamanPark #ImranKhan #islamabadpolice pic.twitter.com/AaDbytZh1R
— Usman Khan (@usmann_khann) March 14, 2023
پولیس کے دو افسران نے گرفتاری کا نوٹس وصول کروانے کے لیے ہاتھ میں پلے کارڈ اٹھا رکھے ہیں۔ پلے کارڈز پر نوٹس وصول کروانے کے حوالے سے تحریر موجود ہے۔
اسلام آباد پولیس کا کہنا ہے کہ ہم وارنٹ کی تعمیل اور عمران خان کو گرفتار کرنے آئے ہیں۔
