پی ٹی آئی سندھ کے صدر علی زیدی اور خسرو بختیار نے بھی پارٹی چھوڑدی

کراچی: علی زیدی نے بیان میں کہا کہ  پی ٹی آئی سندھ کی صدارت ، کور کمیٹی اور قومی اسمبلی کی رکنیت سے استعفیٰ دیتا ہوں۔

پی ٹی ٓآئی رہنما خسرو بختیار نے کہا ہے کہ 9 مئی کے دل سوز واقعات’ نے مجبور کیا کہ پی ٹی آئی کے سیاسی فلسفے سے دور ہو جاؤں

علی زیدی نے ویڈیو بیان میں کہا کہ پاکستان کے لیے کام کروں گا۔ پاکستان کے لیے زرمبادلہ لاؤں گا پہلے بھی یہ کام کرتا رہا ہوں اب بھی یہی کروں گا۔ سیاست چھوڑنا آسان فیصلہ نہیں تھا۔ کافی سوچ بچار کے بعد یہ فیصلہ کیا ہے۔ پی ٹی آئی سندھ کی صدارت ، کور کمیٹی اور قومی اسمبلی کی رکنیت سے استعفیٰ دیتا ہوں۔

#PTI Ex Federal Minister #AliZaidi too left Party. pic.twitter.com/kKcEqPoZZi

— Amjad Alam Khan (@amjadalamk) May 27, 2023

علی زیدی نے مزید کہا کہ 9 مئی کے واقعات کی پہلے بھی مذمت کی تھی آج بھی کرتا ہوں۔ جو ہوا وہ غلط ہوا، اس میں جو بھی ملوث ہو اسے کیفرکردار تک پہنچانا ضرروی ہے۔

علی زیدی نے کہا کہ پاک افواج ہمارا فخر ہیں ان کی وجہ سے ہم سکون سے سوتے ہیں کیونکہ وہ ہماری سرحدوں کی حفاظت کرتے ہیں۔ پاکستان کے لیے سیاست میں آیا تھا۔ ہمیشہ پاکستان کی خدمت کی ہے۔ پاکستان زندہ باد پاک فوج زندہ باد۔

پی ٹی ٓآئی رہنما خسرو بختیار نے کہا ہے کہ 9 مئی کے دل سوز واقعات نے مجھے مجبور کر دیا ہے کہ میں پاکستان تحریک انصاف کے سیاسی فلسفے سے دور ہو جاؤں اور میں اس سیاسی فلسفے کے ساتھ اب نہیں چل سکتا۔

Khusro Bakhtiar quits PTI, parts ways with imran khan, says impossible for him to continue with IK & the only way forward is away from division and hate employed by PTI pic.twitter.com/hlfgoVKGLn

— Murtaza Ali Shah (@MurtazaViews) May 26, 2023

ویڈیو پیغام میں ان کا کہنا تھا کہ ایک سال قبل پارٹی کی اعلیٰ قیادت کو واشگاف الفاظ میں کہا تھا کہ قومی اداروں کے ساتھ محاذ آرائی کا نیا سیاسی لائحہ عمل پارٹی کے لیے نقصان دہ ثابت ہوگا، اسی لیے میں نے پاکستان تحریک انصاف کی سیاست سے، کور کمیٹی کی رکنیت اور جنوبی پنجاب کی صدارت کے فرائض سے دوری اختیار کر لی۔